ჟოზე მოურინიომ ფრედში 52 მილიონი ფუნტი გადაიხადა, თუმცა მას ცოტა სათამაშო დროს აძლევს. ფრედმა 6 მატჩი დაიწყო "იუნაიტედის" 15 "პრემიერ ლიგის" მატჩიდან, თუმცა "არსენალთან" შემადგენლობაში ვერ მოხვდა. რაც შეეხება "ჩემპიონთა ლიგას", ბრაზილიელს არცერთი თამაში არ ჩაუტარებია. მოურინიომ მისთვის ცოტა სათამაშო დროის მიცემის მიზეზებზე ისაუბრა:
"ნაბიჯ-ნაბიჯ მოხდება ყველაფერი. სხვა მაგალითებიც გყოლიათ სხვადასხვა გუნდებში, ვისაც სათამაშო დრო სჭირდებოდათ და ზოგიერთმა მათგანმა გაცილებით უფრო ცოტა დრო მიიღო ვიდრე ფრედმა."
"როდესაც გუნდი დამცავ თამაშს თამაშობს, არ სჭირდება ისეთი ფეხბურთელი როგორიც ფრედია. მას შემტევი თამაში მოსწონს. როდესაც დაცვაში მოვძლიერდებით, ფრედისთვის გზა ღია იქნება."
მოურინიომ ასევე გუშინდელ მატჩზეც ისაუბრა:
"მოწინააღმდეგე გუნდს ბევრ პრობლემებს ვუქმნიდით. ძალიან სწრაფად და მოქნილად ვმოძრაობდით. შემართებაც ძალიან კარგი გვქონდა. საერთო ჯამში, კარგი მატჩი ჩავატარეთ და უფრო და უფრო უკეთესები ვხდებით. გუნდში რამდენიმე ფეხბურთელს გამოვარჩევდი ხასიათით, ანდერ ერერა, მარკუს რეშფორდი. ისინი ფენომენალურები არიან მათი შემართებითა და გამარჯვების სურვილით. ყველაფერს წირავენ, რათა გუნდმა მოიგოს."
"სულ რაღაც ორი დღე გვქონდა მატჩებს შორის სხვაობა და რთული იქნება ფიზიკურად მზად ყოფნა, თუმცა ყველაფერს გავაკეთებთ, რათა მატჩი მოვიგოთ."