დიდი ხანია მიმდინარეობს დავა იმაზე, თუ რატომ არ თავისუფლდება "მანჩესტერ იუნაიტედის" მთავარი მწვრთნელის პოსტიდან პორტუგალიელი სპეციალისტი ჟოზე მოურინიო. გუნდი აშკარად ვერ ვითარდება და მოურინიომაც თითქოს ევროპა ლიგის მოგებით ამოწურა თავისი თავი "ოლდ ტრაფორდზე".

გუნდს მიმდინარე სეზონში საშინელი შედეგები აქვს. ისინი არათუ ჩემპიონობისთვის ბრძოლას გამოეთიშნენ, არამედ ნელნელა ოთხეულისთვისაც მოუწევთ სერიოზული ძალისხმევის დახარჯვა. ჟოზეს ერთ ერთი მთავარი სამიზნე ალბათ ჩემპიონთა ლიგის მოგება იქნება, რაც სავარაუდოდ ამ ფორმაში მყოფი კლუბისთვის არარეალურია.

ცნობილი გამოცემა The Sun - საინტერესო ინფორმაციას ავრცელებს. "ოლდ ტრაფორდელები" ახალი მწვრთნელის ძიებაში არიან და კანდიდატიც დასახელდა. "ტოტენჰემ ჰოტსპურის" არგენტინელი სპეციალისტი მაურისიო პოჩეტინო შესაძლოა გულშემატკივარმა ჟოზე მოურინიოს ადგილას იხილოს.

აღნიშნული წყაროს ცნობით, გლეიზერები მზად არიან ლონდონურ კლუბს პოჩეტინოს სანაცვლოდ შესაბამისი კომპენსაცია 45 მილიონი ევრო გადაუხადოს.

აღსანიშნავია, რომ "მანჩესტერული" კლუბი ჟოზე მოურინიოს მიზერულ კომპენსაციას გადაუხდის იმ შემთხვევაში თუ გუნდი ოთხეულში ვერ შევა, ეს კი იძლევა საბაბს იმისა, რომ პორტუგალიელის გათავისუფლება ედ ვუდვორდისთვის ძალიან მარტივი იქნება. თანხა რომელიც ამ შემთხვევაში დაიზოგება ახალი მწვრთნელის მოყვანას მოხმარდება.

თავის მხრივ "ტოტენჰემს" პოჩეტინოს შენარჩუნება სურს, არგენტინელი კი ახალ მოედანზე მუშაობის იმედს უახლოეს მომავალში გამოთქვამს.

მაურისიოს ასევე სურს, რომ თუ იგი გუნდში დარჩება, "დეზებმა" შემადგენლობის გასაძლიერებლად სატრანსფერო თანხები უნდა გამოყონ და არგენტინელის მიერ დასახელებული ფეხბურთელები შეძენილ უნდა იქნეს.

მაშ ასე, სეზონის ბოლოს მარტივად შესაძლებელია პოჩეტინო, სერ ალექსის შემდეგ "იუნაიტედის" მეოთხე მწვრთნელი გახდეს.


წყარო: euro-football