გუშინდელი შეხვედრა სადებიუტო იყო დიოგო დალოსთვის იმ თვალსაზრისით, რომ 19 - წლის ფეხბურთელმა "წითელი ეშმაკების" შემადგენლობაში" პირველად დაიწყო თამაში ძირითადი შემადგენლობიდან და ისიც უნაი ემერის "არსენალის" წინააღმდეგ, ეს ყველაფერი კი მის მიმართ ჟოზე მოურინიოს ნდობის გამოცხადებას ნიშნავს.

მატჩის შემდგომ ინტერვიუებში მოურინიო არ დაზარდა დიოგო დალოს შესახებ საუბარს და მის მიმართ საქებარი სიტყვებიც არ დაიშურა. "განსაკუთრებულმა" მასზე განაცხადა, რომ მარჯვენა ფლანგის დაცვის ხაზის პრობლემა მოგვარებულია მინიმუმ 10 წლის განმავლობაში.

"დიოგომ ოპერაცია გადაიტანა, დაბრუნდა ეროვნულ ნაკრებში, ითამაშა ორი მატჩი სამი დღის განმავლობაში და კვლავ მიიღო ტრავმა, თუმცა ამ ყველაფრის მიუხედავად ვფიქრობ, რომ "იუნაიტედში" მარჯვენა ფლანგზე დაცვის საკადრო პრობლემა მინიმუმ 10 წლით მოგვარებულია.

ეს ბიჭი არის დიოგო! ის ფანტასტიკურია! დარწმუნებული ვარ გარი ნევილი დამეთანხმება და ასევე დარწმუნებული ვარ, რომ ის ჩემნაირად ფიქრობს და ასევე თვლის, რომ "იუნაიტედმა" მარჯვენა მცველი იყიდა, კარგი მარჯვენა მცველი, რომელიც გუნდს მინიმუმ 10 წლის განმავლობაში პრობლემას მოუხსნის". - განაცხადა დასასრულს მოურინიომ.

შეგახსენებთ, რომ გარი ნევილი "წითელი ეშმაკების" ღირსებას 1992 წლიდან 2011 წლამდე სწორედ მარჯვენა დაცვის ფლანგზე იცავდა. გარი 15 სეზონის მანძილზე ძირითადი შემადგენლობის უცვლელ წევრად ითვლებოდა.


წყარო: manutd