გუშინ ძალიან დაძაბული შეხვედრა ინგლისურ გრანდებს შორის ფრედ დასრულდა. ამ სტატიაში იხილავთ თუ რა გავიგეთ გუშინდელი მატჩიდან.
1) ჟოზეს არ ეშინია ვარსკვლავების სკამზე დასმა.
პორტუგალიელმა სპეციალისტმა გვაჩვენა, რომ შეუძლია ნებისმიერ მოთამაშეს გაათბობინოს სკამი თუ ხედავს, რომ ესა თუ ის მოთამაშე გუნდს სარგებელს ვერ მოუტანს. პოგბა და ლუკაკუ ორივე სათადარიგოზე მოხვდა. სამაგიეროდ ძალიან მოულოდნელად, ითამაშა მატეო დარმიანმა. სამაგიეროდ, მშვენიერი გადაწყვეტილება იყო ენტონი მარსიალის დაყენება, რომელმაც ნამდვილად გაამართლა ჟოზეს იმედები ''მეთოფეებთან''. თუ ის ასე თამაშს გააგრძელებს, არაა გამორიცხული რომელუმ მალე დაკარგოს ძირითად თერთმეტეულში ადგილი.
2) დავიდ დე ხეას შეცდომებმა იმატა.
''არსენალის'' პირველი გოლის თავიდან აცილება ძალზე მარტივად შეიძლებოდა. ასეთი დონის გოლკიპერისგან მსგავსი შეცდომები ნამდვილად უპატიებელია. ესპანელმა აშკარად უნდა მოუმატოს
3) ''იუნაიტედი'' ცხრილის სათავეებს კვლავ ვერ უახლოვდება.
ეს ფრე იმას ნიშნავს, რომ კლუბი კვლავ მერვე ადგილზე რჩება და თანაქალაქელ ლიდერს 15 ქულით ჩამორჩება. ''ოლდ ტრაფორდელებმა" აუცილებლად უნდა დაიწყონ მატჩების მოგება. მიუხედავად იმისა რომ გუნდი ბოლო 4 მატჩია დაუმარცხებელია, შესაძლებელი 12 - იდან მხოლოდ 4 ქულა მოიპოვა. სეზონი შუა ფაზაში შედის, ასე რომ ქულების ასე განიავება უბრალოდ დაუშვებელია.