"ოლდ ტრაფორდზე" "არსენალის" სტუმრობა მარკუს რეშფროდისთვის დაუვიწყარ ემოციებს აღძრავს. ინგლისელმა "მეთოფეებს" ორი ბურთი გაუტანა და ეს ყველაფერი მის დებიუტში მოახერხა.

"წითლები" მოტივირებულები არიან და ყველანაირად ეცდებიან, რომ დღევანდელ მატჩში სამი ქულა მოიპოვონ. ეს სასიცოცხლოდ მნიშვნელოვანია ოთხეულსა და "მანჩესტერს" შორის არსებული დაშორების დასაფარად. როგორც მოგეხსენებათ, რეშფორდს მცირედი ტრამვა აწუხებს, თუმცა ინგლისელი მაინც იმედოვნებს, რომ დღეს თამაშს მოახერხებს და გამარჯვებაში საკუთარ წვლილს შეიტანს.

"ჩემთვის "ოლდ ტრაფორდზე" "არსენალის" წინააღმდეგ თამაში დიდ მოგონებებთანაა დაკავშირებული. თუმცა ახლა სრულიად განსხვავბეულ გუნდს ვეთამაშებით. ისინი უკეთეს ფეხბურთს თამაშობენ, უფრო აგრესიულები არიან და თუ ობიექტურად შეხედავთ მიხვდებით, რომ ლიგაში ერთ-ერთი ყველაზე ძლიერი გუნდია. ეს ყველაფერი უნდა გავითვალისწინოთ და რადაც არ უნდა დაგვიჯდეს სამი ქულა მოვიპოვოთ."

"მანჩესტერის" თამაში შაბათს იმედგამაცრუებელი იყო. გუნდმა ორი გოლი გაუშვა და მართალია, მოახერხა ანგარიშის გათანაბრება, მაგრამ სამი ქულის მოპოვება ვერ შეძლო.

"ძალიან იმედგაცრუებული ვარ. თუმცა ჩვენ თამაში არასწორად დავიწყეთ და ამაზე საკადრისი პასუხიც მივიღეთ. ბევრი მომენტი შევქმენით და თანდათან უფრო და უფრო უკეთესად ვთამაშობდით, მაგრამ იმდენად ცუდად დავიწყეთ, რომ სამი ქულა ვეღარ მოვიპოვეთ. უკეთ უნდა წარვდგეთ გულშემატკივრის წინაშე, ეს უდავოა."

"წმინდანებთან" გატანილი ორი გოლი რეშფორდის ასისტების დამსახურებაა. 21 წლის ინგლისელს ამ თამაშმა მეტი რწმენა და მოტივაცა შემატა. მარკუსი აღიარებს, რომ 2016 წელს როცა პირველად ითამაშა "მეთოფეების" წინააღმდეგ, ფიზიკური მომზადება არ ეყო. თუმცა როგორც დღეს აღნიშნა, რეშფორდი ამ ყველაფერზე დიდი ხანია მუშაობს:

"მე ჯერ კიდევ განვითარების და ზრდის პროცესში ვარ. ნელ-ნელა უკეთესი ვხდები. არ მოგატყუებთ და არ გეტყვით რომ დამატებით ძალიან დიდი სამუშაოს შესრულება მიწევს ან მოედნის გარეთ ან სპორტულ დარბაზში. ცოტ-ცოტას ვვარჯიშობ და ბუნებრივად ვვითარდები და ვიზრდები," - დაასრულა რეშფორდმა.


წყარო: ManUtd.com