ბელგიელმა "ჩემპიონთა ლიგაზე" "წითლებისთვის" საკვალიფიკაციო გოლი გაიტანა. მიუხედავად იმისა, რომ "ეშმაკუნებმა" "წმინდანებთან" ქულები დაკარგეს და მარუანი ამით იმედგაცრუებულია, ის მაინც მიიჩნევს, რომ "მანჩესტერმა" კარგი შემართება აჩვენა და ასე თუ ისე თამაშის შემოტრიალება შეძლო.
"ვფიქრობ, რომ გუნდში შემართება ყოველთვის კარგია. ყოველთვის გვინდა გამარჯვება და ამას გულშემატკივარი ხედავს."
"მართალია, ამ სეზონში ყველაფერი პირიქით ხდება და, თითქოს, საკმარისს არ ვაკეთებთ, მაგრამ ჩვენ აუცილებლად უნდა შევინარჩუნოთ შემართება და მოგებების სერია დავიწყოთ."
"შემართება ძალიან მნიშვნელოვანია. აუცილებელია რომ "მანჩესტერული" სული შევინარჩუნოთ, განსაკუთრებით დეკემბერში ჩასატარებელ მატჩებში."
"მეთოფეები" ბოლო 19 მატჩია არ დამარცხებულან და "ტოტენჰემთან" საოცარი მატჩი აჩვენეს. "არსენალს" დატვირთული გრაფიკი აქვს, თუმცა "ოლდ ტრაფორდზე" ქულების დათმობას არ აპირებენ. "ორივე გუნდს ერთი რამ სურს. გასულ სეზონში "არსენალი" დავამარცხეთ. დარწმუნებული ვარ, "ოლდ ტრაფორდზე" კარგი სანახაობა შედგება. მოუთმენლად ველი მატჩს. ჩვენთვის ძალიან დიდი გამოწვევაა "არსენალთან" თამაში. ვფიქრობ, საოცარი მატჩი გველის წინ," - დაასრულა ფელაინმა.