ფილ ჯონსმა აღიარა, რომ "იუნაიტედის" ფეხბურთელებს იმედგაცრუება ეტყობოდათ, მიზეზი კი გამარჯვების ვერ მოპოვება იყო.
ინგლისელი მცველის აზრით "ეშმაკებმა" საკმაოდ ბევრი მომენტი შექმნეს "ბერნაბეუზე" იმისთვის, რომ გაემარჯვათ. "მატჩის შემდეგ ბიჭები იმედგაცრუებულები იყვნენ. ყველა ფიქრობდა, რომ ერთზე მეტი გოლი უნდა გაგვეტანა. ამისთვის საკმაოდ კარგი შანსები გვქონდა. ცოტათი მეტი იღბალი, რომ გვქონოდა კიდევ ერთ გოლს აუცილებლად გავიტანდით".
"დენი უელბეკის გოლმა ფეხბურთელებს მეტი თავდაჯერებულობა მოგვმატა. როდესაც მათ საპასუხო ბურთი გაიტანეს, უკვე დაცვაზე დავიწყეთ ფიქრი. საბედნიეროდ შესვენებაც მალე მოვიდა და მივხვდით, რომ მეორე ნახევარში მატჩის გამოსწორება შეგვეძლო. რობინს ცოტა მეტი გამართლება, რომ ჰქონოდა 3-1_ს მოვიგებდით".
"ჩვენ ძალიან კარგად ვთამაშობდით დაცვაში. ახლა მეორე თამაში "ოლდ ტრაფორდზეა", სადაც აუცილებლად უნდა მოვიგოთ".
ფილ ჯონსმა რამდენი დღით ადრე გაიგო, რომ პირადად მას უნდა ეზრუნა კრიშტიანოს შეჩერებაზე. "სერ ალექსმა მითხრა, რომ თუ კი რონალდო ნახევარდაცვაში გადაიწევდა იგი მე უნდა შემეჩერებინა. მას საკმაოდ კარგი მომენტები ჰქონდა, თუმცა საბოლოოდ მისი შეჩერება მაინც შევძელით. რონალდო- "რეალის" მთავარი იარაღია. მაგრამ ამ გუნდს ჰყავს სხვა მშვენიერი მოთამაშეები, რომლებიც ბევრ პრობლემას გვიქმნიდნენ. ამიტომ დაცვაში საკმაოდ კარგად უნდა გვეთამაშა, რაც გავაკეთეთ".
"რეალი - ძალიან კარგი გუნდია. მისი ფეხბურთელები კარგ თამაშს აჩვენებენ. მაგრამ ყველაფერს კარგად ვაკეთებდით და მათი მომენტები მინიმუმამდე დავიყვანეთ. ფრე - ეს სამართლიანი შედეგია".