"მანჩესტერ იუნაიტედის" ნახევარმცველი ფრედი წუხს, რადგან "ოლდ ტრაფორდზე" ძალიან ცოტა სათამაშო დრო ეძლევა. ნახევარმცველი "იუნაიტედში" "შახტარიდან" 52 მილიონი ფუნტის სანაცვლოდ გადავიდა ამ ზაფხულში. იქიდან მოყოლებული ბრაზილიელმა მხოლოდ 6 მატჩი დაიწყო სასტარტო შემადგენლობაში და მხოლოდ სამი მათგანი ჩაატარა სრულად.
ფრედი ნოემბერში ნაკრებში არ გამოიძახეს, მიუხედავად იმისა, რომ მსოფლიო ჩემპიონატი ითამაშა და სექტემბერსა და ოქტომბერში სანაკრებო შესვენებები ბრაზილიის ნაკრებში გაატარა.
"მე ძალიან ცოტა ვითამაშე კლუბში და ძალიან ნორმარულია, რომ ტიტემ ნაკრებში არ გამომიძახა. აღარ აქვს მნიშვნელობა იმ ფაქტს, რომ მასთან ძალიან კარგად ვიმუშავე."
"რა თქმა უნდა, ძალიან გავღიზიანდი, როცა ნაკრების შემადგენლობაში ვერ მოვხვდი, მაგრამ ვიცი, როგორ უნდა გავუმკლავდე მწუხარებას, არ დავნებდე ამ ყველაფერს და წინ წავიწიო. მთელს კონცენტრაციას ფეხბურთზე ვახდენ და დიდი იმედი მაქვს, რომ შემდეგში ნაკრებში აუცილებლად გამომიძახებენ."
"მოურინიომ გადაწყვიტა, რომ გუნდში არ მეთამაშა. ეს მისი გადაწყვეტილებაა. მე მაინც განვაგრძობ მუშაობას. არ მივცემ უფლებას რომ ჩემს განწყობაზე იმოქმედოს და შემარყიოს. მოთმინება უნდა შევინარჩუნო."
ფრედიმ ასევე აღიარა, რომ ძალიან გაუჭირდა "პრემიერ ლიგაში" გადმოსვლა, მაგრამ დარწმუნებულია, რომ "იუნაიტედში" კარგ კარიერას აიწყობს.
"ცოტათი რთული დასაწყისი იყო. არ მოუციათ ბევრი სათამაშო დრო. "შახტარში" ბევრ მატჩს ვატარებდი. თუმცა აქ ყველაფერი სხვაგვარად ხდება."
"ვფიქრობ, ეს ნორმარულია. ადაპტაციის პერიოდი მაქვს. სხვა ქვეყანაში ვარ, ახალი ეტაპი მაქვს გასავლელი. თუმცა დღეს ბევრად უფრო მაღლა ვარ ვიდრე ადრე და კიდევ უფრო მეტად განვვითარდები," - დაასრულა ფრედიმ.