დიდი ხანია "იუნაიტედს" შემართება, კლასი და მოტივაცია აკლია. უიენ რუნი ამ ყველაფერს საკუთარ თავში აერთიანებდა. ცნობილი ფეხბურთელები კი უეინის შესაქებად სიტყვებს არ იშურებენ:


„ყოველთვის არსებობს რამდენიმე ფეხბურთელი, რომლებიც ოქროს ასოებით იწერებიან საფეხბურთო ისტორიაში. ამ მომენტისთვის ასეთი ბევრია, რონალდუ, რუნი, ჩავი და კიდევ რამდენიმე. მაგრამ ვერცერთ ფეხბურთელს ვერ ვიხსენებ, რომელიც ისეთი მონდომებით, შთაგონებითა და მოტივაციით თამაშობს როგორიც უეინ რუნი“, - მესი


„მისი აგრესია ერთ-ერთი ყველაზე დიდი ძალაა. მას საოცარი ტალანტი აქვს, მაგრამ ყველაზე მეტად რაც მხიბლავს მასში არის ის, რომ სტადიონზე როდესაც გადის საერთოდ არავისი და არაფრის ეშინია. არ აქვს მნიშვნელობა ვის ეთამაშება, ის ყოველთვის მზად არის“,- ფრენკ ლამპარდი


„ბევრს დარბის, ბევრს იბრძვის, ბერვს წირავს გუნდისთვის. მის წინააღმდეგ თამაშის სურვილი არასდროს არ მქონია. არ ვყოფილვარ იმდენად იღბლიანი, რომ მასთან მეთამაშა. მაგრამ მისი ყურებით ვტკბები“, - იბრაჰიმოვიჩი


„უეინ რუნი ის ფეხბურთელია, რომელსაც ყოველთვის ვაღიარებდი. ის ფანტასტიკური მოთამაშეა, ფანტასტიკური შესაძლებლობებით“, - ჩავი



„ის არ არის „იუნაიტედის“ ყველაზე დიდი ვარსკვლავი, მაგრამ ყველაზე ენერგიულია მათ შორის, ვინც ოდესმე მინახავს. ის ყველაფერს აკეთებს რაც გუნდს სჭირდება. უტევს, გოლების გატანას ცდილობს, მაგრამ გუნდს თუ სჭირდება დაცვასაც ძალიან ეხმარება. ის ძალიან მნიშვნელოვანია. მას გაცილებით მეტი მოაქვს გუნდისთვის ვიდრე მხოლოდ ლამაზი გოლების გატანაა“- ეტო'ო


„ყოველთვის ვამბობდი რომ უეინ რუნი საოცარი ფეხბურთელია. მისი დონის ფორვარდზე ყველა გუნდი ოცნებობს. მას აქვს რაღაც ისეთი, რასაც ვერც იყიდი, ვერც მწრთვნელი გასწავლის. რაღაც ისეთი, რითიც ადამიანები უბრალოდ იბადებიან“, - ტიერი ანრი


„არცერთი ფეხბურთელი არ მეგულება მსოფლიოში, რომელიც იმდენ ძალას, ენერგიასა და შრომას დებს თავის გუნდში, როგორც ამას უეინ რუნი აკეთებს. ის საერთოდ არ არის ეგოისტი, ყველაფერს მხოლოდ „იუნაიტედისთვის“ აკეთებს. ის არის იმ გასაოცარ ფეხბურთელთაგან ერთ-ერთი, რომელზეც ყველა მწრთვნელი ოცნებობს“, - შევჩენკო


„პირადი გამოცდილებიდან ვიცი, რომ ის ყველა ფეხბურთელისთვის ღამის კოშმარივითაა. დღეს მისი სახელი ყველამ იცის“, - ჯონ ტერი


„იმ დროისთვის, როცა უეინი შევიძინეთ, ვერ წარმოვიდგენდი, რომ სერ ბობი ჩარლტონის რეკორდს ვინმე მოხსნიდა. თუმცა მან საპირისპირო დამიმტკიცა. ეს საოცარი მიღწევაა. ის უბრალოდ ფანტასტიკურია“, - სერ ალექს ფერგიუსონი.