„იუნაიტედი“ სტადიონზე ოთხეულში მოსახვედრი ქულათა სხვაობის შესამცირებლად შევიდა. თუმცა, „წითლებმა“ ბრწყინვალე 15 წუთის შემდგომ გულშემატკივარს ვერაფერი შესთავაზეს და შეხვედრა გოლის გარეშე დაასრულეს.

„იუნაიტედის“ მცველმა, კრის სმოლინგმა, მატჩზე ისაუბრა:

„ძალიან იმედგაცრუებული ვარ. შობამდე სახლში ბევრი მატჩის ჩატარება გვიწევს და ეს ჩვენი კოზირია. დღეს ან სამივე ქულა უნდა მოგვეპოვებინა ან არაფერი. ეს ერთი ქულა არაფერს ცვლის. მოგება გვჭირდებოდა.“

„ბევრი გვაქვს სამუშაო, როგორც გუნდს. მომენტები უნდა შეიქმნას, მაგრამ მხოლოდ ეს არ კმარა. უნდა გამოვიყენოთ კიდეც. აუცილებელია, რომ სადაც ვლიდერობთ ყველა თამაში მოვიგოთ.“

„ძალიან მომწონს ჩვენი ქამბექები, მაგრამ ყოველთვის ასე არ გაგიმართლებს. არ შეიძლება ყველაფერი ბოლო წუთამდე მოვიტოვოთ. გოლები მალევე უნდა გავიტანოთ ხოლმე.“

„ძალიან ბევრს ვიმუშავებთ ხვალიდან. დიდი სხვაობაა, ბევრი დაკარგული მომენტები და შანსები. ამიტომ ძალიან ბევრს ვიმუშავებთ, რადგან მეტი შეცდომის დაშვების უფლება არ გვაქვს,“-განაცხადა ინგლისელმა.


M.E.N.