ყოფილი იტალიელი ფეხბურთელი ტიაგო მოტა, ჟურნალისტებისთვის მიცემულ ინტერვიუში იმ შეხედულებებს აზიარებს, რაც მას ჟოზესთან მუშაობის პერიოდში ჩამოუყალიბდა პორტუგალიელზე.

"ის ბუნებით გამარჯვებულის მენტალიტეტის მქონეა. მის თავში მხოლოდ ერთი რამ ტრიალებს - გამარჯვება. სხვა დანარჩენი მას უბრალოდ არ აინტერესებს. მოურინიოს ორი მხარე აქვს: პირველი - ის ბედნიერია როცა იმარჯვებს და მეორე - საშინლად გაბრაზებული როცა მარცხდება. მისი განწყობა მხოლოდ შედეგზეა დამოკიდებული.

თუ მისი გუნდი კარგად თამაშობს, მაგრამ ვერ იმარჯვებს ის ამ ყველაფერში პოზიტივს ნამდვილად ვერ ხედავს, ხოლო თუ მისი გუნდი ცუდად თამაშობს და მაინც იმარჯვებს - ის ძალიან ბედნიერია.

მოურინიო საკუთარ თავს მტრებს თავად უქმნის, თუ ისინი არ არსებობენ, ის მათ ეძებს. "ინტერში" მოურინიოს მუშაობის დროს ჩემპიონატს 11 ქულით ვლიდერობდით, წავაგეთ მხოლოდ ერთი მატჩი და ერთიც ფრედ დავასრულეთ. პრეს კომფერენციაზე კი ის ყველას უტევდა: ადრიანო გალიანის, "მილანს", "რომას", მსაჯებს, "იუვენტუსს". - ციტირებს Goal - ტიაგო მოტას სიტყვებს.

იტალიელი ფეხბურთელი, ჟოზე მოურინიოს თაოსნობით "ინტერში" 2009/10 წ.წ ასპარეზობდა.



წყარო: euro-football