"იუნაიტედი" "ფიორენტინასთან" მოლაპარაკებებს გამართავს.
"მანჩესტერ იუნაიტედი" ზამთრის სატრანსფერო პერიოდში "ფიორენტინას" ცენტრალური მცველის, ნიკოლაი მილენკოვიჩის გადაბირებას ეცდება.
21 წლის სერბმა მცველმა "სერია ა"-ს ყველა, 12-ვე შეხვედრაში მიიღო მონაწილეობა, გარდა ამისა, ის რეგულარულად ასპარეზობს ეროვნული ნაკრების შემადგენლობაშიც.
მოგეხსენებათ, "წითელი ეშმაკების" მთავარი მწვრთნელი, ჟოზე მოურინიო ცენტრალური მცველის ძიებაშია. "იუნაიტედს" ხშირად უკავშირებდნენ ტობი ალდერვეირელდის და ჰარი მაგუაირის სახელს, თუმცა ამ უკანასკნელმა "ლესტერთან" კონტრაქტი გაახანგრძლივა.
"SkySports"-ის მტკიცებით, მომდევნო სატრანსფერო ფანჯარაზე,"იუნაიტედის" შემდეგი სამიზნე სწორედ ნიკოლაი იქნება.
გარდა ამისა, ჟოზეს დაფიქრების საბაბს აძლევს ის ფაქტიც, რომ "პრემიერ ლიგის" ჩატარებულ 12 შეხვედრაში, მისმა კლუბმა 21 გოლი გაუშვა და საერთო გრაფაში ნეგატიური ჯამური რაოდენობაა.
სექტემბერში, "ფიორენტინას" სპორტულმა დირექტორმა, მარიო კონინიმ განაცხადა, რომ მისი კლუბი არ შეელევა ნიკოლაის, იმ დროისთვის შეთავაზებულ 36 მილიონ ფუნტ სტერლინის სანაცვლოდ.
ინგლისური კლუბის წარმომადგენლები იმედოვნებენ, რომ 50 მილიონი საკმარისი იქნება სერბი უკანახაზელის გადასაბირებლად, რომელიც ფლორენციულმა კლუბმა გასულ წელს 4.5 მილიონ ფუნტად დაიმატა. გარდა ამისა, მილენკოვიჩის მიმართ ინტერესს ისეთი კლუბები იჩენენ, როგორებიც "ინტერი" და "იუვენტუსი" არიან.
ასევე ცნობილია, რომ ჟოზესთვის სერბი მცველის ალტერნატიულ კანდიდატი "სამპდორიის" 22 წლის ცენტრალური მცველი, დანიელი, დენ იოაკიმ ანდერსენი იქნება.
წყარო:
skysports.com