იტალიელმა ლეგენდამ "იუვენტუსი" 40 წლის ასაკში დატოვა. "ბებერ ქალბატონებში" მან 17 წელი გაატარა. ამ დროის განმავლობაში ბუფონმა უამრავი შემოთავაზება მიიღო, თუმცა ყველა მათგანზე უარი განაცხადა.

ბოლო დროს პრესაში ხშირად იწერებოდა ბუფონისთვის გაკეთებულ შეთავაზებებზე. მისით ინგლისში აქტიურად ინტერესდებოდნენ, მათ შორის "ლივერპულიც" და "მანჩესტერ სიტიც". თუმცა იტალიელს ინგლისური ფეხბურთის თამაშის შესაძლებლობა გაცილებით უფრო ადრე ჰქონდა.

ლეგენდარული მეკარის აგენტმა SunSport-ს ინტერვიუ მისცა:

"ფერგიუსონი მასზე გიჟდებოდა. დაახლოებით 25 წლის წინ, ჯერ კიდევ მაშინ, როცა ბუფონი ბავშვი იყო, "იუნაიტედში" მიიწვია. სერ ალექსი არა მარტო ბუფონს, არამედ მთელს მის ოჯახს შეხვდა, რათა ახალგაზრდა მეკარე ინგლისში გადასვლაში დაერწმუნებინა."

"ის მხოლოდ იმიტომ არ დათანხმდა, რომ ძალიან პატარა იყო. თუმცა ბუფონს ყოველთვის მოსწონდა "იუნაიტედი", რადგან მათი პროფესიონალიზმი "იუვენტუსს" ახსენებს", - დაასრულა მარტინმა.

თუმცა როგორც ყველას მოგეხსენებათ, იტალიელი "იუვენტუსს" 2001 წელს შეუერთდა და კარიერაც "ბებერ ქალბატონებში" დაასრულა.

წყარო: Sun