სანაკრებო შესვენებებზე "იუნაიტედის" ფეხბურთელებმა ბევრი ტრამვა მიიღეს. გულშემატკივარი ძალიან ნერვიულობდა, რადგან შესაძლო იყო, რომ "კრისტალ პალასთან" 6 ძირითადი ფეხბურთელის გარეშე ეთამაშათ.

ფელაინიმ ბელგიის სახელით ვერ ითამაშა. ეს მოურინიომ "სიტისთან" ჩატარებული მატჩის შემდეგვე განაცხადა:

"ფელაინმა ტრამვა მიიღო. არც ისე სერიოზული, მაგრამ ის ნამდვილად არ არის იმ მდგომაორებაში, რომ 90 წუთი ითამაშოს", - განაცხადა "წითლების" მწრთვნელმა. თუმცა ფელაინი დღეს ვარჯიშზე იმყოფებოდა.


შემდეგი ფეხბურთელი, რომლის თამაშიც საეჭვო იყო ანტონი მარსიალია. ფრანგი პოლ პოგბასთან ერთად სანაკრებო მოვალეობისგან გაათავისუფლეს მცირედი ტრამვების გამო. თუმცა დღევანდელ ვარჯიშს ისიც ესწრებოდა.



მარჯვენა მცველისთვის დიოგო დიალოტისთვის "კრისტალ პალასთან" გამართული მატჩი შეიძლება მისი დებიუტი აღმოჩნდეს "პრემიერ ლიგაში". 19 წლის ახალგაზრდამ "იუნაიტედის" სახელით მხოლოდ "ჩემპიონთა ლიგასა" და "ლიგის თასზე" ითამაშა. აქამდე "პრემიერ ლიგაში" მისი დებიუტი კი ტრამვების გამო ვერ შედგა. თუმცა დიოგომ "ინსტაგრამზე" პოსტი დაწერა, სადაც აღნიშნავს, რომ უკვე მზადაა თავის მეგობრებს დაეხმაროს და ვარჯიშის სურათიც ატვირთა.

დიალოტის დაბრუნება მოურინიოს ძალიან დაეხმარება. ჟოზე რამდენიმე კვირაა ვალენსიას ადგილას იანგს ათამაშებს, მაგრამ ლუკ შოუს თამაშიც საეჭვოა, ამიტომ ეშლის ალბათ მარცხენა ფლანგზე მოუწევს გადანაცვლება. რადგანაც დიოგო უკვე ვარჯიშებზე დაბრუნდა და ვალენსია ჯერ კიდევ სანაკრებო მოვალეობას ასრულებს, "იუნაიტედის" მენეჯერმა შეიძლება არჩევანი 19 წლის ახალგაზრდაზე შეაჩეროს.

ერთადერთი ტრამვირებული ფეხბურთელი, რომელიც ვარჯიშის ფოტოებში არ ჩანს პოლ პოგბაა. ფოტოგრაფებმა მსოფლიო ჩემპიონი სავარჯიშო კომპლექსთან დააფიქსირეს, თუმცა ვარჯიშში, როგორც ჩანს, ფრანგს მონაწილეობა არ მიუღია.

სანაკრებო შესვენებაზე წასული დანარჩენი "წითლები" "კარინგტონზე" კვირის ბოლოს დაბრუნდებიან და დაიწყებენ შაბათის მატჩისთვის მზადებას.

M.E.N.