"მანჩესტერ სიტიმ" "იუნაიტედი" 3-1 ანგარიშით დაამარცხა. წითლებმა მერვე ადგილას გადაინაცვლეს. თუმცა ფელაინი პოზიტივს ინარჩუნებს და მიიჩნევს, რომ მოურინიოს შეგირდები არც ისე შორს არიან მეზობლებისგან. მარუანი უკვე მარტში გასამართ მატჩზე ფიქრობს და "სიტის" "ოლდ ტრაფორდზე" მოუთმენლად ელოდება.
"მე როცა ინგლისში ჩამოვედი, ჩემპიონობისთვის 4 გუნდი იბრძოდა. ახლა უკვე 6 გუნდს გამოვყოფდი. ყოველ წლიურად ეს ყველაფერი უფრო და უფრო რთულდება."
"შემდეგ სეზონში ყველაფერი შეიცვლება. დარწმუნებული ვარ, დროთა განმავლობაში ჩემპონობისთვის ბრძოლა უფრო და უფრო გართულდება. ამიტომაც არის "პრემიერ ლიგა" ყველასათვის მიმზიდველი ჩემპიონატი."
"უდავოა, "მანჩესტერ სიტი" ძლიერი გუნდია, მაგრამ მგონია, რომ წააგებენ. ძალიან კარგები არიან, მაღალი დონის ფეხბურთელები ჰყავთ, ყველას აქვს საკუთარი თავის რწმენა, მაგრამ მათი დამარცხება შესაძლებელია. ჩვენ წავაგეთ, მაგრამ შემდეგი მატჩი "ოლდ ტრაფორდზე" იმართება, რასაც მოუთმენლად ველოდები. ვნახოთ რა მოხდება", - დაასრულა ბელგიელმა.