"მანჩესტერ იუნაიტედის" ყოფილი შემტევი დიმიტარ ბერბატოვი, სოციალურ ქსელში კლუბის მიმართ მხარდამჭერი პოსტებისა და განცხადებების კეთებას კვლავ განაგრძობს.

გასაკვირი არცაა, რომ "წითელი ეშმაკების" ფანებს ბულგარელი ქარიზმატული თავდამსხმელი დღესაც ძალიან უყვართ. ბერბატოვმა ისევე როგორც "იუნაიტედში" ყოფნის დროს, ასევე კარიერის დასრულების მერეც აქტიურად და ღიად განაცხადა, რომ "მანჩესტერული" კარიერა მისთვის ძალიან დიდი მიღწევა იყო, საუკეთესო მიღწევა მის ცხოვრებაში.

რაც შეეხება დღევანდელ სტატიას, ბერბატოვის აზრით, "იუნაიტედმა" ზამთრის სატრანსფერო ფანჯარაზე მინიმუმ ერთი მცველი მაინც უნდა შეიძინოს, კლუბის მიმართ დიმიტარის მოწოდებაც სწორედ ეს არის.

"ნებისმიერ პოზიციაზე მათ რამოდენიმე ფეხბურთელი ჰყავთ, აქედან გამომდინარე გუნდმა დაცვა უნდა გააძლიეროს. ვიმედოვნებ, რომ ისინი ერთ ან ორ მცველს მაინც დაიმატებენ, ამ შემთხვევაში ყველაფერი კარგად იქნება". - ციტირებს Goal - ბერბატოვის სიტყვებს.



წყარო: euro-football