ერიკ ბაიიმ "მანჩესტერ იუნაიტედისთვის" მიცემულ ინტერვიუში თავის თანაგუნდელებზე ისაუბრა. მან ძირითადად ყურადღება "წითლების" ნახევარდაცვაზე გაამახვილა.
პოლ პოგბა "ის კარგი ბიჭია. ძალიან უყვარს გართობა და მუსიკა. სულ მხიარულადაა. ამას ყველა აღნიშნავს. ასეთი ხასიათი გუნდისთვის ძალიან კარგია. არ გაგიკვირდებათ თუ აღვნიშნავ, რომ მინდორზე საოცარია. მას საკუთარი თავის რწმენაც აქვს და ეს ყველაფერი ერთ-ერთ საუკეთესოდ აქცევს მსოფლიოში."
ანდრეას პერეირა "ვფიქრობ, ანდრეასათვის ძალიან კარგი იყო არენდით წასვლა. მან კარგი გამოცდილება მიიღო და დარწმუნებული ვარ, თქვენც შეამჩნევთ რამდენად უფრო გაძლიერებული დაგვიბრუნდა. ძალიან დიდი ტალანტი აქვს, საკუთარ თავშიც დარწმუნებულია - ეს ყველაფერია იმისთვის, რაც კარგი ფეხბურთელობისთვის გჭირდება. ძალიან დიდი იმედი მაქვს, რომ მწრთვნელის მიერ მიცემულ დროს კარგად გამოიყენებს და პირველ გუნდში ადგილსაც დაიკავებს."
ფრედი: "ფრედი ახალი ფებხურთელია. "იუნაიტედში" თამაში მისთვის დიდი გამოწვევაა. მწრთვნელისგან ნდობა აქვს, და ძალიან დიდი იმედი მაქვს, რომ მაქსიმუმს მიიღებს ამისგან. გუნდში ბრაზილიური მუსიკა შემოიტანა, რაც ძალიან კარგია. განსხვავებული კულტურაა და მომწონს ეს ყველაფერი. გუნდიც ხომ ესაა - სხვადასხვა ადამიანებისგან შეკრებილი ჯგუფი, რომელიც ერთ დიდ ოჯახს ქმნის."
ანდერ ერერა: "ანდერი ჩემი მეგობარია. ის ესპანურენოვანია და თავიდან ძალიან დამეხმარა. მოედანზე კი ანდერი ყველას მოტივაციას აძლევს. ყოველთვის სწყურია გამარჯვება, ჩვენზეც გადმოდის მისი განწყობა და ეს ძალიან მნიშვნელოვანია. იმის გარდა, რომ ის ძალიან ნიჭიერია, ჩვენი ყველას შთაგონების წყაროა რომ ყველა თამაშზე ჩვენი მაქსიმუმი გავიღოთ და გავაკეთოთ ყველაფერი რაც მოგებისთვისაა საჭირო. ერერა ჩემთვის უძვირფასესი პიროვნებაა."
მარუან ფელაინი: "მარუანიც შეშლილი ფეხბურთელია. ის ყველაფერს აკეთებს გუნდისთვის, ყველაფერს აკეთებს იმისთვის, რომ თამაში მოიგოს. ყველა ფეხბურთელი რაღაცას დებს მოედანზე, მაგრამ მარუანი ყველაფერს წირავს გამარჯვებისთვის. მთელი სხეულითაა ჩართული თამაშებში. გუნდისთვის ძალიან ბევრს აკეთებს. "
ნემანია მატიჩი: "ნემანია შედარებით უფრო მშვიდი ფეხბურთელია. ის თამაშს აწყნარებს და თითქოს გუნდს იცავს. მოთმინებითა და დიდი სიმშვიდით ეკიდება ყველაფერს. ფანტასტიკური პიროვნებაა. სიმშვიდესთან ერთად პროფესიონალიზმიც ახასიათებს. ძალიან მნიშვნელოვანია რომ ეს უნარები შევიძინოთ."
სკოტ მაკტომინეი: "სკოტი ყველასთვის აღმოჩენა იყო. ის გასულ წელს შემოუერთდა გუნდს და ყველა გააოცა. ის ახალგაზრდა ფეხბურთელია, რომელიც კარგად ითვისებს ყველაფერს და მინდორზეც მაქსიმალურად მუშაობს. ვფიქრობ, თუ ასე გააგრძელებს და მწრთვნელის რწმენას გამოიყენებს პირველ გუნდში ადგილს მარტივად დაიკავებს."