50 მილიონი მარკუსის სანაცვლოდ.
გავრცელებული ინფორმაციის თანახმად, ტურინის "იუვენტუსი" ინგლისის ნაკრებისა და "მანჩესტერ იუნაიტედის" თავდამსხმელით, მარკუს რეშფორდით ინტერესდება.
პრემიერ ლიგის მიმდინარე სეზონში რეშფორდმა "იუნაიტედის" სასტარტო შემადგენლობაში, მხოლოდ ხუთი მატჩი ჩაატარა და აქედან არცერთი ცენტრფორვარდის პოზიციაზე, მიუხედავად რომელუ ლუკაკუს ცუდი სათამაშო ფორმისა.
როგორც ჩანს, ამ ყველაფრის ფონზე, ნიჭიერი ინგლისელის განვითარება ამ ეტაპზე შეჩერებულია, რაც საფრთხეს უქმნის "იუნაიტედის" გეგმებს, რამეთუ 21 წლის მარკუსი არ ჩქარობს კონტრაქტის გახანგრძლივებს, რომელიც მომდევნო სეზონის ბოლოს იწურება.
The Times-ის თქმით, "იუვენტუსის" ხელმძღვანელობა აკვირდება მარკუსის დაძაბულ ვითარებას და შეეცდება ინგლისელის გადაბირებას. გამოცემის მტკიცებით, რეშფორდის გადაბირების მცდელობა "იუვესთვის" პირველი არ არის.
ჭორების თანახმად, სერია ა-ს ჩემპიონი გულდასმით შეისწავლის რეშფორდის პიროვნებას, მათ შორის მის ბიოგრაფიას და პიროვნულ დეტალებს.
დავამატებთ, რომ "იუნაიტედის" ათიანის გადაბირება მადრიდის "რეალსაც" სურს და მზადაა მის სანაცვლოდ 50 მილიონი ფუნტის გადასახდელად.
წყარო:
TheTimes