ალექსის სანჩესს არც თუ ისე კარგი სეზონი აქვს. მან ვერც ჩილეში თამაშისას გამოიჩინა თავი და პენალტი ვერ გაიტანა, რის შედეგადაც ჩილე კოსტა-რიკასთან 3-2 ანგარიშით დამარცხდა. მართალია, „მანჩესტერ იუნაიტედის“ ფეხბურთელმა შემდგომ გაიტანა გოლი, მაგრამ ჩილესთვის აღნიშნული საკმარისი არ აღმოჩნდა.

პრესაში დიდი ხანია იწერება, რომ სანჩესს „იუნაიტედის“ დატოვება სურს. ეს სურვილი ალექსისს „დერბის“ წაგების შემდგომ უფრო გაუმძაფრდა. “StarSport”-ის მიხედვით, 29 წლის ფეხბურთელს „ოლდ ტრაფორდის“ რაც შეიძლება მალე დატოვება სურს.

„წითლების“ ფორვარდით ოთხი წამყვანი გუნდია დაინტერესებული. ერთ-ერთი მათგანი „ბებერი ქალბატონები“ არიან. პრესა აქტიურად წერს „არსენალის“ შესახებაც. არ ჩამორჩებიან არც გერმანელები და, სავარაუდოდ, სანჩესისთვის ბრძოლაში „ბაიერნიც“ ჩაერთვება. ესპანეთის მხრიდან კი დაინტერესებას „რეალ მადრიდი“ იჩენს.

სანჩესის შესახებ ისაუბრა „მანჩესტერ იუნაიტედის“ ჟურნალისტმა, ენდი მითენმა, რომელიც აცხადებს, რომ თანაგუნდელები სანჩესის შესაძლებლობებში დაეჭვდნენ:

„მართალია, „წითელი ეშმაკები“ არ ფიქრობენ, რომ სანჩესი დანებდა, მაგრამ მათ ნელ-ნელა ეჭვი შეაქვთ ალექსისის შესაძლებლობებში. მათი პოზიცია გასაგებიც არის, ალექსისი საერთოდ აღარ ჩანს მოედანზე და ვერც ვარჯიშებზე ხიბლავს თანაგუნდელებს“, - დაასრულა ენდიმ.

DailyStar