სტატიაში იხილავთ თუ ვის დააკვირდა პირადად "იუნაიტედის" მწვრთნელი.
სანაკრებო პაუზის დროს, "მანჩესტერ იუნაიტედის" მთავარი მწვრთნელი ჟოზე მოურინიო დროს უქმად არ კარგავს და პირადად საკუთარი სურვილიდან გამომდინარე მატჩებსაც ესწრება.
15 ნოემბერს, ერთა ლიგის A - ჯგუფში ბელგიის ეროვნული ნაკრები შინ ისლანდიის ეროვნულ ნაკრებს დაუპირისპირდა და სტუმართა შემადგენლობა ანგარიშით 2 - 0 დაამარცხა. აღნიშნულ მატჩს პირადად "წითლების" ბოსი ტრიბუნებიდან ადევნებდა თვალყურს.
Goal - ის მიერ გავრცელებული ცნობით, ჟოზე ბელგიელების ცენტრალურ მცველს ტობი ალდერვეირელდს აკვირდებოდა. ჟოზეს უკანახაზელის გადაბირება ზამთრის სატრანსფერო ფანჯარაზე სურს.
აღსანიშნავია ერთი მნიშვნელოვანი ფაქტიც, რომ მოურინიოს, ტობის ყიდვა ზაფხულის სატრანსფერო პერიოდშიც სურდა, თუმცა კლუბის ხელმძღვანელობისგან შესაბამისი მხარდაჭერა ვერ მოიპოვა და ალდერვეირელდიც დარჩა იქ სადაც ამჟამად ასპარეზობს. კიდევ ერთი შანსი კი ზამთარში იქნება, ამჟამად უკვე ჟოზეს მმართველობის მხარდაჭერაც ექნება.
ხაზგასასმელია ერთი მნიშვნელოვანი ფაქტიც, ტობის "ტოტენჰემთან" კონტრაქტი მომავალ ზაფხულში ეწურება, "დეზებს" მისი უფასოდ გაშვება რა თქმა უნდა არ სურთ, ახალი კონტრაქტის გაფორმება კი ამ დრომდე ვერ ხერხდება.
წყარო:
euro-football