პოლ პოგბა "სიტის" წინააღმდეგ ვერ გამოცხადდა ბარძაყის ტრამვის გამო, ლიონელ მესიმ კი ოქტომბერში მიღებული ტრამვის შემდეგ მხოლოდ ერთი მატჩი ჩაატარა. შესაბამისად, ორივეს სანაკრებო მატჩების გამოტოვება მოუწიათ.
პოლ პოგბა და ლიონელ მესი ერთმანეთს დუბაიში შეხვდნენ, სადაც ძალიან ბევრ რამეზე ისაუბრეს. შესაძლოა, "იუნაიტედის" ფანები დაამწუხროს პოგბასა და მესის საუბრებმა, რადგან ბოლო დროს პრესა ბევრს წერს ფრანგის "ბარსელონაში" გადასვლაზე. როგორც იტალიური პრესა იწერება, პოლი 100 მილიონი ევროს ნაცვლად მზადაა ესპანელებთან 5 წლიან კონტრაქტს მოაწეროს ხელი.
პოგბას აგენტმა არ დამალა, რომ მოურინიოს კრიტიკის შემდეგ ძალიან სურს პოლს "იუნაიტედი" დაატოვებინოს. ამასთანავე პრესაში იწერებოდა პიკეს განცხადების შესახებ, რომელიც ამბობდა, რომ დიდი სიამოვნებით შეეგებებოდა ფრანგს "კამპ ნოუზე":
"ძალიან ბედნიერები ვიქნებით მისი აქ გადმოსვლით. ცოტაოდენი მსმენია პოგბასა და მოურინიოს დაძაბულ ურთიერთობაზე. ის ძალიან კარგი ფეხბურთელია, მაგრამ ახლა, სამწუხაროდ, "მანჩესტერის" რიგებში ირიცხება. ვნახოთ, რა მოხდება მომავალში",- განაცხადა პიკემ აგვისტოში.