უეინი ამერიკაში წრთვნებს გადის.
ამ კვირაში გულშემატკივარს კიდევ ერთხელ ჰქონდა უეინ რუნის "უემბლიზე" ნახვის საშუალება. ჟურნალისტები აქტიურად ცდილობდნენ უეინისგან ინტერვიუს აღებას. ერთ-ერთ ინტერვიუში ინგლისელმა სამომავლო გეგმებზეც ისაუბრა. რადგანაც მისი როგორც ფეხბურთელის კარიერა ნელ-ნელა დასასრულს უახლოვდება, საინტერესოა, რას იზამს "წითლების" ყოფილი კაპიტანი მომავალში.
როგორც გაირკვა, უეინი მწრთვნელის ტრენინგებს გადის ამერიკაში და დარწმუნებულია, რომ ინგლისში დაბრუნების დროისთვის ის მზად იქნება ახალი გამოწვევის მისაღებად. "იუნაიტედისთვის" მიცემული ერთ-ერთი ინტერვიუს დროს უეინმა განაცხადა, რომ ის საკმაოდ მოტივირებულია, მისი სამწრთვნელო კარიერა აქციოს ისეთივე დიდებულად, როგორიც მისი პირველი კარიერა იყო.
გასაკვირი არ იქნება თუ აღვნიშნავთ, რომ უეინს ინგლისში უამრავი შეთავაზება ელოდება. უამრავ ყოფილ ფეხბურთელს უნდოდა სამწრთვნელო კარიერის დაწყება, მაგრამ ყველა ფეხბურთელი უეინ რუნი არ არის. უეინს აქვს რაღაც, რამაც აქცია მსოფლიოს ერთ-ერთ საუკეთესო ფეხბურთელად და ეს ყველაფერი დაეხმარება მას კარგი სამწრთვნელო კარიერის შექმნაშიც.
ინგლისურ პრესაში აქტიურად დაიწყეს წერა "წითლების" ყოფილი კაპიტნის მომავლის შესახებ. გასაკვირი არ იქნება თუ ვიტყვით, რომ ყველა ეცდება უეინის სამწრთნელო შტაბში ჩართვას. პრესა კი მიიჩნევს, რომ "იუნაიტედმა" ყველაფერი უნდა გააკეთოს, რომ უეინის გამოცდილება და შესაძლებლობები ამჯერად უკვე სამრწთვნელო შტაბში გამოიყენოს. იდეალური იქნებოდა თუ რუნი თავდაპირველად 18 წლამდელებში გამოცდიდა ბედს, როგორც ეს სტივენ ჯერარდმა გააკეთა.
„იუნაიტედი“ ოდითგანვე გამოირჩეოდა ახალგაზრდა ფეხბურთელების აღმოჩენითა და გაზრდით. უეინ რუნი კი საუკეთესო ვარიანტია დამწყებებთან სამუშაოდ. დაეხმარებოდა ტექნიკის დამუშავებაში, მოძრაობის გაუმჯობესებაში... უფრო უკეთ გააგებინებდა რას ნიშნავს ითამაშო „მანჩესტერ იუნაიტედის“ მაისურით. უეინზე უკეთ ვერავინ შეასწავლის ახალგაზრდებს როგორ გაუძლონ ამხელა წნეხს, როგორ შეძლონ დაშვებული შეცდომების გამოსწორება.
დღეს უეინს ყველა უყურებს როგორც შემდგარ ფეხბურთელს, მაგრამ ვერავინ იაზრებს რამდენი რამ გამოიარა რომ გამხდარიყო ის ვინც არის. უამრავი ტრამვა, გამოტოვებული მატჩები, პირველ გუნდში დაკარგული ადგილები და მაინც ამდენი ტიტული. უეინმა უდავოდ გამოიარა ის ყველაფერი, რაც სჭირდება „იუნაიტედის“ მომავალ მწრთვნელს.
13 წლის განმავლობაში მან მოიგო 16 ტიტული და გახდა გუნდის ყველა დროის ბომბარდირი 253 გოლით. „იუნაიტედს“ არ აქვს უფლება, რომ ხელიდან გაუშვას ასეთი შესაძლებლობა.
წყარო:
M.E.N.