"მანჩესტერ იუნაიტედის" კაპიტანი ანტონიო ვალენსია აცხადებს, რომ სათამაშო პრაქტიკის გარეშე დარჩენა მთლიანად ჟოზე მოურინიოს გადაწყვეტილებაა და არა მისი ჯანმრთელობის მდგომარეობის.
"წითელი ეშმაკების" რიგებში ვალენსიამ თავისი ბოლო მატჩი ოქტომბრის დასაწყისში ჩაატარა ჩემპიონთა ლიგაზე "ვალენსიას" წინააღმდეგ. მარჯვენა მცველის არყოფნა კი მოურინიომ ცუდი ფიზიკური ფორმითა და გადატანილი ოპერაციით ახსნა.
მედიაში კი ირწმუნებოდნენ, რომ ვალენსიას უთამაშებლობა ჟოზესთან კონფლიქტის ბრალი იყო. ამაზე მიმანიშნებელი იყო 33 წლის ეკვადორელის მიერ სოციალურ ქსელში მოურინიოს გათავისუფლებისკენ მოწოდებული პოსტის მოწონებაც.
საკლუბო დონეზე შექმნილმა პრობლემებმა ვალენსიას ნაკრებში გამოძახებაში ვერ შეუშალა ხელი. წუხელ პერუს წინააღმდეგ ჩატარებული მატჩისა და გატანილი გოლის შემდეგ ანტონიომ უარყო მოურინიოსთან ცუდი ურთიერთობა და ამავდროულად აღიარა, რომ ამჟამად კლუბის თავკაცის ნდობა დაკარგა. "მოურინიოსთან ყოველთვის კარგი ურთიერთობა მქონდა. ამჟამად არ ვთამაშობ, მაგრამ ეს ტაქტიკური გადაწყვეტილებაა. ჩემს პოზიციაზე მოთამაშე ფეხბურთელი ძალიან კარგად თამაშობს. მწვრთნელის გადაწყვეტილებას პატივი უნდა ვცეთ.
ისღა დამრჩენია, ვიშრომო და მზად ვიყო, როცა მწვრთნელს დავჭირდები. შესაბამის მდგომარეობაში უნდა ვიყო შემადგენლობაში ადგილის დასამკვიდრებლად. მშვიდად ვარ ვიცი, რომ შანსს მივიღებ", - განაცხადა ვალენსიამ.
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.