"მანჩესტერ იუნაიტედის" ცენტრალური მცველის, ერიკ ბაიის სამსახურით "არსენალი" და "ტოტენჰემი" არიან დაინტერესებულნი, ის კი ზამთრის სატრანსფერო ფანჯარაზე ხელმისაწვდომი შეიძლება აღმოჩნდეს,
2016 წლის ზაფხულს ბაიი ჟოზე მოურინიოს პირველი შენაძენი გახდა "წითელი ეშმაკების" მთავარი მწვრთნელის პოსტზე დანიშვნისას. აფრიკელმა დამაჯერებლად ჩაატარა სადებიუტო სეზონი, მაგრამ შემდეგში ძალიან მოუკლო.
მიმდინარე სეზონში კოტ დ'ივუარელმა საბოლოოდ დაკარგა პორტუგალიელის ნდობა, ოქტომბერში "ნიუკასლთან" გამართულ მატჩში კი მე-19 წუთზე შეცვალეს. შედეგად, ბაიი სერიოზულად არის "ოლდ ტრაფორდის" დატოვებაზე ჩაფიქრებული და იანვარში თავისი სურვილის ასრულებას ეცდება.
ბრიტანული მედიის თანახმად, ბაიის პრემიერ ლიგის დატოვება სულაც არ მოუწევს, ვინდაინ "ვილიარეალის" ყოფილ ფეხბურთელს ჩრდილოეთ ლონდონიდან ექნება შეთავაზებები.
მოსალოდნელია, რომ მოურინიო წინ არ აღუდგება ერიკს, თუ იანვარში დაცვის ცენტრში ახალწვეულს დაიმატებს. წყაროს ცნობით, ჟოზემ "იუნაიტედს" კალიდუ კულიბალის შეძენა დაავალა, მაგრამ სავსებით შესაძლებელია, რომ სხვა, უფრო რეალური კანდიდატებით დაკმაყოფილება მოუწევს.
ახალი ამბები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.