როგორც იცით, ხვალ დერბია მანჩესტერში და ადგილობრივი ორი გუნდი დაუპირისპირდება ერთმანეთს. მატჩი "ეტიჰად"-ზე გაიმართება, "სიტის" შინაურ კედლებში. როგორ ფორმაშიც არ უნდა იყვნენ გუნდები, ეს დაპირისპირება ყოველთვის სანახაობრივია და ყურებადობით, ლამის "ელ კლასიკო"-ს გადააჭრბოს. ხვალინდელ მატჩზე კომენტარი გააკეთა "იუნაიტედის" ინგლისელმა შემტევმა, ჯესი ლინგარდმა.

"მათთან რატომღაც, ხშირად გვიწევს დაპირისპირება, რა თქმა უნდა პრემიერ ლიგაში და ასევე თასებზე. ეს განსაკუთრებული შეგრძნებაა, სხვა მატჩებისგან რადიკალურად განსხვავებული. ინტრიგა ყოველთვის არის ამ დაპირისპირებაში, ადრინდელი დროიდან, დღიდან როდესაც ეს ორი გუნდი პირველად დაუპირისპირდა ერთმანეთს. მე ვფიქრობ, რომ ამ მატჩის მოგებაში დიდ როლს, მენტალური მხარე თამაშობს. მენტალურად ძალიან კარგად ვართ, ტურინში გამარჯვების შემდეგ განსაკუთრებით."

წყარო: www.goal.com