"მანჩესტერ იუნაიტედის" მთავარმა მწვრთნელმა ჟოზე მოურინიომ "სიტისთან" მატჩის წინ თავისი გუნდის მდგომარეობაზე ისაუბრა.

ახალი ტრავმირებული ფეხბურთელები არ არიან და არსებობს შანსი, რომ რომელუ ლუკაკუ მნიშვნელოვან მატჩში გუნდს დაუბრუნდეს.

ბელგიელ ფორვარდს ტურინში გამართულ დრამატულ მატჩში მონაწილეობა არ მიუღია იმედოვრებს, რომ სანამ სანაკრებო მატჩებში მიიღებს მონაწილეობას, მანამდე ერთხელ მაინც მოახერხებს თამაშს საკლუბო დონეზე.

"ახალი ტრავმები არ არის. "იუვენტუსიდან" მნიშვნელოვანი ტრავმები არ ჩამოგვიტანია. გარკვეული დარტყმები მიიღეს ფეხბურთელებმა, მაგრამ არა მგონია, "იუვენტუსთან" მყოფი რომელიმე ფეხბურთელი გამოგვაკლდეს.

არსებობს შანსი, რომ კვირას ლუკაკუც დაგვიბრუნდეს", - განაცხადა მოურინიომ.

მოგვიანებით მოურინიომ ახალი ინფორმაცია გაავრცელ პოლ პოგბას შესახებაც, რომელმაც მცირე ტრავმის გამო საერთო ჯგუფთან ერთად ვერ ივარჯიშა, თუმცა სავარაუდოა, რომ ის ამის გამო მატჩს არ დააკლდება.

მწვრთნელს იმედი აქვს, რომ სათადარიგოთა სკამზე ეყოლება გამოცდილი ფეხბურთელები, რომლებიც მატჩში გარდატეხის შეტანაში დაეხმარებიან, როგორც ეს "იუვენტუსთან" მატჩში მოხდა.

"იუვენტუსთან" საშინაო მატჩის შემდეგ ვთქვი, რომ შეცვლები არ გავაკეთე სათადარიგოთა სკამზე გამოცდილი ფეხბურთელების არყოფნის გამო. მართლაც რთული იყო ალექსისისა და ფელაინის გარეშე თამაში. ყველა თამაშობდა და ცვლილებები არც მქონდა. მდიდრული სათადარიგოთა სკამი ჩვეულებრივ ქულებს ნიშნავს და "იუვენტუსის" წინააღმდეგ ასეთი სკამი გვყავდა, რაც მატჩის შეცვლაში დაგვეხმარა".