საკმაოდ დიდი აჟიოტაჟი მოჰყვა ჟოზე მოურინიოს მატჩის შემდგომ აღნიშვნას მოედანზე, "იუვენტუსის" წინააღმდეგ. მასთან მაშინვე მივიდა ლეონარდო ბონუჩი და უთხრა, რომ ეს არასწორი იყო და უპატივცემულოდ მოიქცა, თუმცა მოურინიომ თავი გაიმართლა, რომ ეს მისი პასუხი იყო "იუვენტუსის" ფანების მიმართ, რომლებიც მთელი მატჩის განმავლობაში აყენებდნენ მას შეურაცხყოფას. ამ აღნიშვნასთან დაკავშირებით, გარი ნევილმა განცხადებაც გააკეთა.

"მე მისი მატჩის შემდგომი ქმედება, ჯერ კიდევ "ნიუკასლთან" მატჩში მომეწონა, რადგან არის ამ ყველაფერში ძლიერი ემოციები, რომლებიც ალამაზებს ფეხბურთს. როდესაც ვნახე მოურინიოს პრესკონფერენცია მატჩის შემდგომ, მე ვცდილობდი შემედარებინა მისი ორი სახე "ნიუკასლთან" მატჩამდე და ახლა. ეს ორი სხვადასხვა ადამიანია და, რეალურად რომ ვთქვა, მშურს ჟოზეს თანდაჯერებულობის. ვფიქრობ ძალიან კარგად მიდის კლუბში საქმეები, უფრო სწორედ უკეთესად ვიდრე რამოდენიმე კვირის წინ. მათ რეალურად გამოასწორეს თამაშის ხარისხი და შესაბამისად შედეგიც."

წყარო: www.skysports.com