ჩემპიონთა ლიგის მეოთხე ტურის შეხვედრაში, თავისი პირველი გოლი "იუვენტუსის" მაისურით აღნიშნულ ტურნირზე კრიშტიანუ რონალდუმ "მანჩესტერ იუნაიტედის" კარში გაიტანა.
გატანილი გოლი პორტუგალიელმა ყველასთვის მოულოდნელად აღნიშნა და ეს მეტად ცერემონიულადაც გააკეთა. კერძოდ, კრიშტიანუ, დავიდ დე ხეას კარის აღების შემდეგ ტრიბუნისკენ გაემართა და საკუთარი მუცლის პრესი კამერებსა და გულშემატკივრებს დიდი გულმოდგინებით წარუდგინა.
სახალისო პასუხი გამოუვიდა ჯესი ლინგარდს. "წითელი ეშმაკების" ნახევარმცველმა მოგვიანებით საკუთარ ტვიტერის გვერდზე განათავსა ფოტო, სადაც მისი და რონალდუს პრესის ფოტო განათავსა და პოსტს თან გამოკითხვაც დაურთო - რომელია უკეთესი?
შეგახსენებთ, რომ ჯესი ლინგარდმა ჟოზე მოურინიოს ბოლოდროინდელ ფორმაციაში ადგილი დაკარგა და სათადარიგო სკამზე გადაინაცვლა, თუმცა "იუვენტუსთან' ჩატარებულ შეხვედრაში ჯესი ძირითად შემადგენლობაში მოგვევლინა.