ბოლო მატჩებში "იუნაიტედი" ძალიან კარგად გამოიყურება და ბოლომდე ბრძოლის ჭეშმარიტ მაგალითად გვევლინება. არ თმობს არაფერს და მატჩს - მატჩზე იგებს. ამ ყველაფერში დიდი წვლილი კი მარცხენა ვინგერს, ენტონი მარსიალს მიუძღვის.

ბოლო 6 მატჩში მარსიალმა 5-ჯერ შეძლო მეტოქის კარის აღება, რაც საუკეთესო შედეგია ამჟამად გუნდში. ამას გარდა, მის აქტიურობას მოჰყვა რამოდენიმე გოლი და უფრო მოკლედ, რომ ვთქვათ, დღევანდელი "იუნაიტედის" შეტევითი პოტენციალი, მარსიალის გარეშე არ არსებობს.

სწორედ ამ კარგი ბოლო კვირების გამოძახილია, მარსიალის ეროვნულ ნაკრებში ხილვა. დიდიე დეშამმა მიიღო მისი 23 კაციან შემადგენლობაში შეყვანის გადაწყვეტილება, რაც ნამდვილად დაფასებაა იმისა, რასაც მარსიალი აკეთებს "იუნაიტედის" მაისურით მოედანზე.

საფრანგეთი გამართავს მატჩებს ნიდერლანდებისა და ურუგვაის ეროვნული ნაკრებების წინააღმდეგ.

წყარო: www.goal.com