"იუვენტუსთან" გამარჯვების შემდეგ, ჟოზე მოურინიო გაზონზე გავიდა, ტრიბუნისკენ მიბრუნებულმა კი ხელი ყურთან მიიტანა, რამაც "იუვენტუსის" ფეხბურთელების და გულშემატკივრების გაღიზიანება გამოიწვია. თუმცა ეშლი იანგის, არბიტრისა და ასისტენტების დახმარებით, მოურინიომ მოედანი უსაფრთხოდ დატოვა.

"არავისთვის შეურაცყოფის მიყენება არ მიფიქრია, უბრალოდ მივანიშნე "იუვენტუსის" ფანებს, რომ მათი ხმა არ მესმოდა. ალბათ ასე არ უნდა მოვქცეულიყავი და ცივი გონებით ამას არც გავაკეთებდი, მაგრამ ისინი ჩემს ოჯახს, მათ შორის "ინტერის" ოჯახს შეეხნენ და ამიტომაც მქონდა ასეთი რეაქცია" - განაცხადა მოურინიომ.

მსგავსი ფაქტი "ოლდ ტრაფორდზეც" დაფიქსირდა, პორტუგალიელმა თავკაცმა იტალიელი ქომაგების შეურაცხყოფას სამი თითის ჩვენებით უპასუხა. ამით მოურინიომ "იუვენტუსის" გულშემატკივრებს 2010 წელს, "ინტერით" შესრულებული ტრებლი შეახსენა.