ყველას კარგად მოეხსენება, რომ "იუნაიტედის" ყოფილი ფეხბურთელის, შვედი ზლატან იბრაჰიმოვიჩის, განცხადებები ყოველთვის ექსცენტრიულია და საინტერესო. სწორედ ეს სიტყვები შეიძლება ეწოდოს, ზლატანის განცხადებას, რომელიც დღეს გააკეთა.

"მე ვფიქრობ, რომ პრემიერ ლიგა გადაჭარბებითაა შეფასებული და ის ისეთი "მკვლელი" არაა, როგორადაც ხატავენ და მასზე საუბრობენ. დიახ, ტემპი ძალიან მაღალია, შესაბამისი ფიზიკური და მენტალური კონდიციების გარეშე, ნამდვილად გაუჭირდება ფეხბურთელს. როდესაც ინგლისურ კლუბს შევუერთდი, ყველა საუბრობდა იმაზე, რომ მათ ხეიბარი შეიძინეს, თუმცა სეზონის ბოლოს ისინი აღმოჩნდნენ ხეიბრის სავარძლებში. მე "იუნაიტედს" 35 წლის ასაკში შევუერთდი და საკმაოდ კარგი შედეგები ვაჩვენე და წარმოიდგინეთ, რომ მე ინგლისში 25 წლის ასაკში გადმოვსულიყავი. ვფიქრობ, ფეხბურთელს კარიერის სრულყოფისთვის აუცილებლად სჭირდება გამოცდილება ჰქონდეს პრემიერ ლიგაში და ერთადერთი რაც შემიძლია დავამატო არის ის, რომ მე სწორი კლუბი შევარჩიე. "იუნაიტედი" უდიდესი კლუბია და ყოველ ჯერზე, როდესაც წითელ მაისურს ვხედავ, "იუნაიტედი" მახსენდება. ეს ძალიან სასიამოვნო პერიოდი იყო ჩემს კარიერაში და ტკბილი მოგონებებიც მრავლად დამრჩება."

ზლატან იბრაჰიმოვიჩი "იუნაიტედში" 2016-2018 წლებში ასპარეზობდა და ამ პერიოდში - 33 შეხვედრაში 17 გოლის გატანა მოახერხა.

წყარო: www.goal.com