გუნდში მყოფი ფეხბურთელებიდან, ერთ-ერთია ანდრე ერერა, რომელსაც გუნდი განსაკუთრებულად უყვარს და უდიდესი ენთუსიაზმით, შემართებითა და მონდომებით გამოდის მოედანზე და იხარჯება ბოლომდე. "იუნაიტედის" ესპანელმა ნახევარ-მცველმა საკმაოდ საინტერესო ინტერვიუ მისცა კლუბის ვებ-გვერდს.

"როდესაც მოედანზე ვართ გვინდა დამაჯერებელი თამაში ვაჩვენოთ და არ გაჩნდეს ეჭვები ჩვენს სიძლიერესთან დაკავშირებით. კარგი იქნებოდა, რომ მატჩის ბედს ბოლო წუთებზე არ ვწყვეტდეთ. ეს ცუდი არაა უბრალოდ გვჭირდება, რომ მეტად ვმართოთ თამაში და დომინანტები ვიყოთ. ჩვენ ძალიან ძლიერი გუნდი გვყავს, ენტონი, ჯესი და რაშფორდი - ამ ფეხბურთელებით ჩვენ აუცილებლად უნდა მივაღწიოთ წარმატებას, როგორც "იუვენტუსთან", ასევე "სიტისთან".

"ბორნმუთთან" მატჩის ბოლოს მოურინიომ ერერაზე გააკეთა განცხადება და თქვა, რომ ესპანელმა ძალიან კარგად დააბალანსა მოედნის ცენტრი და ასევე წარმატებით ანაწილებდა პასებს შეტევაში. შესაბამისად ერერა ერთ-ერთი უმნიშვნელოვანესი ფეხბურთელია "იუნაიტედის" შემადგენლობაში და ამავდროულად დაუფასებელი.

წყარო: www.manutd.com