მოურინიომ გუშინდელ პრესკონფერენციაზე ბევრი თემა განიხილა, მათ შორის ფეხბურთელები, რომლებსაც კონტრაქტით გათვალისწინებული ვადა ეწურებათ მიმდინარე სეზონის ბოლოს. მოურინიომ გამოკვეთილად ენტონი მარსიალი ახსენა და გამოთქვა სურვილი, რომ ფრანგი შემტევი არ დატოვებს კლუბს.

"არ ვფიქრობ, რომ სწორი იქნება ჩემი მხრიდან ფეხბურთელთა კონტრაქტებზე საუბარი. მათ კონტრაქტებს არ ვიცნობ რიცხვებში და ამით ძალიან ბედნიერი ვარ. თუმცა გამოვყოფდი ენტონი მარსიალს და დიდი იმედი მაქვს, რომ ის აუცილებლად დარჩება ჩვენთან. "მონაკოდან" გადმოსვლის შემდეგ ის ტოპ ფეხბურთელად ჩამოყალიბდა, რაც ძალინა მახარებს და დარწმუნებული ვარ ჩვენს გულშემატკივრებსაც."

როგორც იცით, ენტონი მარსიალმა უარი განაცხადა შეთავაზებულ კონტრაქტზე და ჯერ უცნობია, დათანხმდება თუ არა ახალ კონტრაქტს, განსხვავებული პირობებით.

წყარო: www.skysports.com