როგორც იცით, შემდეგი მატჩი "იუნაიტედს" "ბორნმუთის" წინააღმდეგ აქვს. ამ მატჩის მოგების შემთხვევაში, "იუნაიტედი" გადაინაცვლებს მეექვსე პოზიციაზე ცხრილში და ძალიან მიუახლოვდება ოთხეულის ზონას. "ბორნმუთელები" კი ძალიან ოპტიმისტურად არიან განწყობილები, რასაც მათი კაპიტნის განცხადებაც ადასტურებს.

"აქ არ არის შიშის ფაქტორი. ფორმით თუ ვიმსჯელებთ, შეიძლება ითქვას, რომ ჩვენ უკეთესად გამოვიყურებით და ფავორიტებიც კი ვართ. იმ ქულების მიხედვით, რაც გვაქვს, შეიძლება ბევრმა იფიქროს, რომ თუ ჩვენ დავმარცხდით არაუშავს, ჩვენ მაინც კარგი სტარტი გვაქს. ჩვენ ასე არ ვფიქრობთ. ჩვენი პირველი სეზონიდან მოყოლებული ისე ვთამაშობთ დიდ გუნდებთან, თითქოს არანაირი შანსი არ გვქონდეს მათ წინააღმდეგ ქულის აღების. თუმცა ფაქტია, რომ ჩვენ დიდი გზა გამოვიარეთ და ოთხი წელია "პრემიერ ლიგაში" ვართ. შეგვიძლია თუ არა "იუნაიტედის" დამარცხება? რატომაც არა, ჩვენ შესანიშნავ ფორმაში ვართ." - აცხადებს საიმონ ფრენსისი.

აშკარაა, რომ გუნდი ყველაფრისთვის იბრძოლებს და ნამდვილად არ ელით მოურინიოს შეგირდებს მარტივი მატჩი. თუმცა ისიც ფაქტია, რომ თუ "იუნაიტედი" მოინდომებს, არაფერია შეუძლებელი.

წყარო: www.goal.com