როგორც იცით 11 ნოემბერს შედგება მანჩესტერული დერბი, რომელსაც "ქალაქელების" საშინაო არენა, "ეტიჰად სთეიდიუმი" უმასპინძლებს. როგორც ყოველთვის დაძაბული ატმოსფერო იქნება, როგორც მოედანზე, ასევე ტრიბუნებზე.

გავრცელებული ინფორმაციით, გუნდები შეთანხმდნენ, რომ ურთიერთშეხვედრების შემთხვევაში, კონკრეტული კვოტა იქნება გულშემატკივრებისა, რომელიც დაშვებული იქნება ტრიბუნებზე. ასე მაგალითად, "იუნაიტედის" გულშემატკივრებისთვის 2,792 ბილეთია გამოყოფილი 11 ნოემბრის მატჩზე, რომელიც "სიტის" საშინაო არენაზე ჩატარდება.

"იუნაიტედის" ხელმძღვანელობა იმედოვნებდა, რომ ამ რიცხვს 3,000-მდე გაზრდიდა, თუმცა "სიტის" ხელმძღვანელობა ამის სასტიკი წინააღმდეგია და აპირებს, რომ კიდევ უფრო შეამციროს ეს რაოდენობა. ამ ქმედების გასამართლებლად, არაბი ინვესტორები იმიზეზებენ დაძაბულ ფონს, რომელიც ამ დერბის გასდევს.

წყარო: www.skysports.com