როგორც იცით სეზონის ბოლოს "იუნაიტედის" ბევრ ფეხბურთელს ეწურება კონტრაქტით გათვალისწინებული ვადა და მათგან ერთ-ერთია, გუნდის უდაო ლიდერი, დეივიდ დე ხეა.
მისი გაკეთებული განცხადება, რომ ის კონცენტრირებულია მხოლოდ თამაშზე და ამ ეტაპზე არ ფიქრობს მომავალზე, ნამდვილად არ ჟღერდა იმდენად დამაიმედებლად, რომ გაექარწყლებინა ეჭვები მის წასვლასთან დაკავშირებით. რთულია იმის თქმა რეალურად რა პოზიცია აქვს ესპანელ კიპერს, თუმცა ფაქტია, რომ თუ სურვილი აქვს, კონტრაქტის გაფორმება მხოლოდ 5 წუთს საჭიროებს.
არსებობს მოსაზრება, რომ დე ხეას გუნდიდან წასვლის ერთ-ერთი მიზეზია მისი მოთხოვნილება, რომ მოიგოს ტიტულები და იყოს ისეთი კლუბის წევრი, რომელსაც ყოველ სეზონში მაღალი მიზნები ექნება. "იუვენტუსი" და "პარიზ სენ-ჟერმანი" არიან ესპანელი კიპერის ტრანსფერით დაინტერესებული.