დასრულდა საპრემიერლიგო მე-10 ტურიც და "სიტი" - "ლივერპული" იყოფენ პირველ/მეორე ადგილს. რა თქმა უნდა ეს გუნდები სეზონიდან სეზონამდე პროგრესირებენ და ეს მათ მიღწევებზეც ისახება, უფრო მეტად "სიტიზე". "იუნაიტედი" ამ დროისთვის მე-8 პოზიციას იკავებს, რაც ნამდვილად კატასტროფული შედეგია, მსგავსი გაქანების გუნდისთვის.
"სიტის" ახალგაზრდა პორტუგალიელმა ფეხბურთელმა, ბერნარდო სილვამ, საკმაოდ საინტერესო და "იუნაიტედის" გულშემატკივრებისთვის, არაპოპულარული, განცხადება გააკეთა, რომელიც ამ სეზონის მისწრაფებებს ეხებოდა, სხვადასხვა გუნდების შემთხვევაში. "გასულ სეზონში ჩვენგან არავინ ელოდა ასეთ კარგ თამაშს, თუმცა ჩვენ მოლოდინებს გადავაჭარბეთ. მაგრამ ახლა ყველაფერი უფრო რთულადაა, ყველამ იცის რაც შეგვიძლია და ისინი ყველაფერს აანალიზებენ. საჩემპიონო დავა საკმაოდ რთულია, "ლივერპულს" იმდენივე ქულა აქვს, რამდენიც ჩვენ. ასევე ახლოს არიან "ჩელსი", "არსენალი" და, წაგების მიუხედავად, "ტოტენჰემიც". "იუნაიტედს" არ აღვიქვავთ კონკურენტად, რადგან ისინი ძალიან ცუდ სეზონს ატარებენ და გაუჭირდებათ ტიტულისთვის ბრძოლა."
შეგახსენებთ, რომ "იუნაიტედი" "ქალაქელებს" 11 ნოემბერს დაუპირისპირდება და მატჩი შედგება "ეტიჰად სთეიდიუმზე" - 20:30-ზე.
წყარო: www.goal.com
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.