გუშინდელი საღამოს გმირი, პოლ პოგბასთან ერთად, უდაოდ იყო ენტონი მარსიალი. ახალგაზრდა ფრანგმა, პენალტი მოიპოვა და გოლის გატანაც მოახერხა. ასევე ჰქონდა დუბლის შესრულების შესაძლებლობა, თუმცა მომენტი ვერ გამოიყენა. ძალიან სპეციფიური ფეხბურთელია, ახალგაზრდა ფრანგი და სწორედ ამ კუთხით ისაუბრა მასზე, გრეიმი სოუნისმა.
"ის განსაკუთრებული ფეხბურთელია და ამის ყოველთვის მჯეროდა. ის ძალიან ახალგაზრდაა, დეკემბერში 23 წლის ხდება, ჯერ ბავშვია და მისთვის საკმაოდ რთული გადასატანია, მსგავსი წნეხი, რომელიც გუნდზე და კონკრეტულად მასზე მოდის. თუნდაც ალექსისის შეძენაც საკმაოდ რთული მომენტი იყო მისთვის, ასევე ნომრის ჩამორთმევა მისთვის[გულისხმობს 9 ნომრის ჩამორთმევას და იბრაჰიმოვიჩისთვის გადაცემას]. ამ ყველაფერს მისი ხასიათი ემატება. მას აქვს სისწრაფე, ტექნიკა და კარგი დარტყმა. ის სრულყოფილია, აქვს ყველაფერი რაც ვინგერს ესაჭიროება, რომ იყოს ღირებული გუნდისთვის. არ ვიცი მას არ უნდა "იუნაიტედში" დარჩენა, თუ პრობლემა მოურინიოშია, თუმცა გუნდმა ყველაფერი უნდა გააკეთოს მის შესანარჩუნებლად.
როგორც იცით, მარსიალმა უარი განაცხადა კლუბის მიერ შეთავაზებულ ახალ კონტრაქტზე. ჯერ უცნობია მას კლუბიდან წასვლა სურს, თუ თანახმაა განსხვავებულ პირობებზე, თუმცა, სოუნისის არ იყოს, გუნდმა აუცილებლად უნდა შეინარჩუნოს ახალგაზრდა ფრანგი ვინგერი.
წყარო: www.skysports.com
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.