"იუნაიტედის" დაცვის ხაზში უდაოდ პრობლემებია და ამას ყველა ამჩნევს, ხოლო პირველ რიგში ამას მოურინიო ხედავს და შესაბამისად გეგმავს მცველის დამატებას. მცველი, რომლითაც მოურინიო გეგმავს გუნდის გაძლიერებას არის - მილან სკრინიარი, რომელიც ამჟამად "ინტერის" ღირსებას იცავს.

გავრცელებული ინფორმაციით, სკრინიარი და იტალიური კლუბი ახალი კონტრაქტის თაობაზე შეთანხმებას ვერ ახერხებენ და ეს შეიძლება ნიშნავდეს იმას, რომ ფეხბურთელს კლუბის შეცვლა უნდა და მისი მსურველების სიაში, "იუნაიტედი" ნამდვილად ფავორიტია. ეს უკანასკნელი სლოვაკ მცველში 65 მილიონი ევროს გადახდას აპირებს, თუმცა იტალიურ მხარეს ეს თანხა ეცოტავება.

23 წლის უკანახაზელით ასევე ინტერესდებიან "სიტიში" და "ბარსელონაში".

წყარო: www.dailymail.co.uk