ჟოზე მოურინიოს ბიჭები "ევერტონის" დამარცხებას ალექსის სანჩესის და მარუან ფელაინის გარეშე შეეცდებიან.
ჩილელმა და ბელგიელმა ტრავმები აიკიდეს სანაკრებო მატჩებზე. დაზიანებულია დიეგო დალო და შესაძლოა სკოტ მაკტომინაიც.

მოურინიო დღეს მედიას ესაუბრა - "ამ მომენტისთვის ის უქმობს, იმიტომ რომ ტრავმა აქვს და იმიტომ რომ "ჩელსისთან" ასპარეზობის დროს იდეალური ფიზიკური კონდიციებიდან შორს იყო. სწორედ ამიტომ ვერ დაგვეხმარა ლიგაზე და ვერ დაგვეხმარება ხვალ. ახლა მიზანია მალე ჩადგეს კარგ ფიზიკურ ფორმაში, რადგან ისეთი ფეხბურთელია რომელსაც სწორედ ეს ფორმა სჭირდება საუკეთესო თამაშის საჩვენებლად".

სანჩესი "იუნაიტედში" მოსვლის შემდეგ იბრძვის რომ თავისი თამაში იპოვოს მაგრამ ჯერჯერობით ამას ვერ ახერხებს. სამაგიეროდ ფელაინი ჟოზეს სისტემაში საკმაოდ საჭირო ფეხბურთელია. სწორედ მის არყოფნას დააბრალა პორტუგალიელმა "იუვენტუსთან" წაგება. მარუანი წესით მზად უნდა ყოფილიყო "ჩელსისთან" მატჩისთვის, მაგრამ ვერ ითამაშა.

წყარო:Soccer.nbcsports.com