თამაშის ხარისხი, რომ ძალიან დაბალია ამაზე არავინ დაობს, თუმცა კონკრეტულ მატჩებში, კონკრეტული მოთამაშეები გამოიჩენენ ხოლმე თავს. თუმცა, არის ერთი ფეხბურთელი, რომელიც სტაბილურად მაღალ დონეზე ასპარეზობს და მუდამ მოწოდების სიმაღლეზეა - დეივიდ დე ხეა.
მისი კარგი თამაში სტატისტიკაში ნაკლებად აისახება, თუ მხოლოდ გაშვებული გოლებით ვიმსჯელებთ, მაგრამ ამ "არანორმალურ" ესპანელს, ამ სეზონში, 9 შეხვედრაში 29 სეივი აქვს გაკეთებული, რაც უდაოდ დიდებული შედეგია. თუმცა, როგორც ჩანს, ის არ არის კმაყოფილი მუდმივად "გუნდის გადამრჩენელის" პოზიციაში ყოფნით და არ იცის, უნდა თუ არა კლუბთან ახალი კონტრაქტის გაფორმება.
კითხვაზე, აპირებდა თუ არა დე ხეა კონტრაქტის გაგრძელებას მოურინიომ შემდეგი განცხადება გააკეთა:"ამ კითხვაზე პასუხს თვითონ დეივიდი ან მისი გარემოცვა გაგცემთ, მე არ ვარ ამაში კომპეტენტური. ჩემი კომენტარი მხოლოდ ის არის, რომ ყველამ ვიცით როგორი კარგია ის და როგორი მნიშვნელოვანია ის კლუბისთვის. კლუბს მივმართავ, რომ ყველაფერი გააკეთონ დე ხეას შესანარჩუნებლად."
დე ხეას კონტრაქტით გათვალისწინებული ვადა, მომდევნო ზაფხულს ეწურება. ასევე მის გარდა ეწურება კონტრაქტის ვადა - ანტონიო ვალენსიას, ეშლი იანგს, მატეო დარმიანს, ფილ ჯონსს, ანდრეას პერეირას, ანდრე ერერას, ხუან მატასა და კრის სმოლინგს.
წყარო: www.skysports.com
ახალი ამბები, ჭორები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.