ახალი სკანდალი გზაშია.
ძალიან უსიცოცხლოდ გამოიყურებოდა "იუნაიტედი" იტალიური კლუბის წინააღმდეგ, თუმცა ეს მარცხი ძალიან დასანანი იყო და რეალურად გაირთულა საქმე გუნდმა. საკმაოდ დაბალი თამაშის ხარისხი აჩვენა გუნდმა და მოედნის ყველა კუთხეში შეამჩნევდით ძალიან გაღიზიანებულ პოგბას, რომელიც თანაგუნდელების არასწორი და გაუაზრებელი გადაწვეტილებებით იყო გაცეცხლებული.
მატჩის ბოლოს ნამდვილად არავინ იყო ბედნიერი ინგლისელთა რიგებში, თუმცა სიხარულის მიზეზი "იუნაიტედის" ფრანგმა ნახევარ-მცველმა, პოლ პოგბამ, მაინც გამონახა. მან საჩუქარი მიიღო მისი ყოფილი თანაგუნდელისგან - ხუან ქუადრადოსგან და ამ ფაქტის აღსანიშნავი ფოტოც გადაიღეს, ხოლო შემდგომ ინსტაგრამზეც განათავსეს.
როგორც ფოტოზეა ნაჩვენები, ამ ერთობლივ ფოტოს საკმაოდ მწვავე გამოხმაურება ჰქონდა "იუნაიტედის" ფანებისგან და კიდევ ერთი მიზეზი მიეცათ ფეხბურთელზე გასაბრაზებლად, ხოლო მედია უკვე ალაპარაკდა იმაზე, რომ პოგბასთვის სულ ერთია გუნდი წააგებს თუ არა.
რეალურად პოგბას ნამდვილი ემოცია ყველამ ვნახეთ მოედანზე, როდესაც გუნდი აგებდა და არანაირი იმედი არ ჩანდა, რომ თამაშს შემოაბრუნებდნენ. ის მთელი მონდომებით ცდილობდა რაიმე შეეცვალა და დაუღალავად ეხმარებოდა როგორც დაცვას, ასევე შეტევას და მასზე იმის დაბრალება, რომ მისთვის გუნდის მარცხი უმნიშვნელოა, უბრალოდ ბინძური, შავი პიარია და სხვა არაფერი.
წყარო: www.espn.com