როგორც იცით, კლუბში იგეგმება სპორტული და ტექნიკური მიმართულებების ჩამოყალიბება. ტექნიკური დირექტორის პოზიციას ედ ვუდვორდი დაიკავებს. ხოლო სპორტული დირექტორის პოსტზე ვინ დაინიშნება, ჯერ კიდევ გაურკვეველია. ამ პოსტზე რამოდენიმე კანდიდატი მოიაზრებოდა და მათგან ერთ-ერთი იყო ფაბიო პარატიჩი, "იუვენტუსის" ამჟამინდელი სპორტული დირექტორი.

ეს უკანასკნელი, საკმაოდ კარგი რეპუტაციით სარგებლობს და საკმაოდ კარგ დუეტსაც ქმნიდა ბეპე მაროტასთან ერთად. მათი შემოქმედებაა ის აუღებელი ციხე-სიმაგრე, რაც "იუნაიტედის" გულშემატკივრებმა ვიხილეთ გასულ ჩემპიონთა ლიგის ტურში, "ოლდ ტრაფორდზე". თუმცა გუშინ, "იუვენტუსის" ოფიციალურ ტვიტერის გვერდზე, დაიტვიტა პოსტი, სადაც ეწერა, რომ პარატიჩიმ გაახანგრძლივა იტალიურ კლუბთან კონტრაქტი და ის არსად არ მიდის.

შესაბამისად "იუნაიტედს" ორი ვარიანტი რჩება, "რომას" სპორტული დირექტორი - მონჩი ან ზევით ნახსენები ბეპე მაროტა, რომელიც ნამდვილად აპირებს წასვლას სეზონის ბოლოს "იუვენტუსიდან".

წყარო: www.espn.com