საკმაოდ ცუდად გამოიყურება ბოლო მატჩებია "იუნაიტედის" ბელგიელი ფორვარდი რომელუ ლუკაკუ, მოედანზე. ამას ბევრი მიზეზი შეიძლება ჰქონდეს, თუმცა ფაქტია, რომ ლუკაკუ გოლის გატანასთან ახლოსაც კი არ ყოფილა ბოლო მატჩებია. ამ თემაზე განცხადება გააკეთა "იუნაიტედის" ყოფილმა ფეხბურთელმა ლი შარპმა.

"არასოდეს მინახავს ფორვარდი მსგავსი ცუდი პირველი შეხებით ბურთთან. თუ შენს ფორვარდს არ შეუძლია ბურთის მიღება პასის გადაცემისას, ეს ძალიან ართულებს სიტუაციას. ის კარგად გამოიყურება ნაკრებში, უდაოდ, თუმცა კარგი ფეხბურთელი ყველგან შედეგიანია. ეს არ ეხება მხოლოდ მის გატანილ თუ გაუტანელ გოლებს, ეს მის შეხებას, მოტივაციას და თავდაჯერებულობას ეხება. ის კარგი ფეხბურთელია და მაშინ, როდესაც ის გატანას დაიწყებს, მოვა ის თვითრწმენაც და ყველაფერი კარგად იქნება. უნდა ათამაშოს თუ არა მოურინიომ რაშფორდი მის პოზიციაზე? არა, რადგან შემდეგ ვინგერი აღარ ეყოლება, დიახ საკმაოდ რთული მდგომარეობაა."

ფაქტია, რომ ლუკაკუ საკმაოდ ცუდად გამოიყურება მოედანზე და ბოლო მატჩებია, მართლაც უჭირს მომენტის შექმნა. თუმცა ის არც არის ფორვარდი, რომელიც თვითონ ქმნის მომენტებს, ის არის "ტრადიციული ცხრიანი", რომელსაც კარგი მიმწოდებლები სჭირდება გოლის გასატანად, რაც ძალიან ამძიმებს ამ მოცემულობის "იუნაიტედის" მდგომარეობას.

წყარო: www.goal.com