ინგლისის ლიგის გათამაშების ლიდერები ემზადებიან ოთხშაბათს ესპანეთის ჩემპიონების წინააღმდეგ სათამაშოდ, მას შემდეგ რაც წარმატებით გაიარეს ჯგუფური ეტაპი და ჩაატარეს რამდენიმე შესანიშნავი მატჩი შობის პერიოდში. სერ ალექსის ბიჭებმა უკვე დაამტკიცეს თავიანთი სიძლიერე ჯგუფურ ეტაპზე, ასევე 12 ქულით უსწრებენ "მანჩესტერ სიტის" და FA თასის მერვედფინალურ ეტაპზე იმყოფებიან.
"ჩვენ გუნდს შეუძლია "ჩემპიონთა ლიგის" მოგება" - განაცხადა სერ ალექსმა წინასამატჩო პრესკონფერენციაზე მადრიდში.
"ეს არის გუნდი უდიდესი სულისკვეთებით. ხალხი ხშირად იძახის, რომ ჩვენ არ ვართ ისეთი ძლიერები, როგორიც ძველი "იუნაიტედის" გუნდები, მაგრამ ჩვენ ხშირად ბუნდოვან შთაბეჭდილებებს განვიცდით ძველ დროზე, ასე ვარ მეც."
"სინამდვილეა ის, რომ ჩვენმა გუნდმა არასდროს იცის როდის წააგებს, ეს მაღალ ხარისხზე მიუთითებს."
"ჩვენ ხვალ რთული ტესტი გველის და ჩვენ უნდა ჩავაბაროთ ის, თუ ვაპირებთ თასის მოგებას."
"იუნაიტედის" ბოსი კმყოფილია არა მარტო გუნდის ფორმით, არამედ გუნდის ფიზიკური მომზადებით, ერთადერთი ფეხბურთელი, რომელიც ესპანეთში არ გაემგზავრა პოლ სქოუზია.
"ვფიქრობ ეხლა "რეალ მადრიდთან" სათამაშოდ ყველაზე შესაფერისი დროა." განაცხადა სერ ალექსმა. "ჩვენ ჩვენს ლიგაში პირველ ადგილზე ვიმყოფებით და ყველა ჯანმრთელია. როცა სეზონის ეს პერიოდი დგება, ყოველთვის არის 2-3 ტრამვირებული ფეხბურთელი. ჩვენ მდგომარეობა ასე არ გვაქვს, რაც რა თქმა უნდა დიდი ბონუსია."
"ჩვენ მზად ვართ ხვალინდელი მატჩისთვის. "ჩემპიონთა ლიგის" დაწყებიდან, ყოველ წელს ჩვენ მსოფლიოს უდიდეს გუნდებს ვეთამაშებით."
"როცა წლების წინ მწვრთნელად მუშაობა დავიწყე, ვოცნებობდი საუკეთესო კლუბების წინააღმდეგ მეთამაშა მწვრთნელის რანგში და ამის შესაძლებობა "ჩემპიონთა ლიგაზე" რეგულარულად მეძლევა."
"დიდ გუნდებთან თამაშს ჩვენთვის ყოველთვის განსაკუთრებული მნიშვნელობა აქვს და ამას ხვალ იხილავთ. მე პირობას გაძლევთ საბოლოო ანგარიში 0-0 არ იქნება. ამ მატჩს შეუძლია გადააჭარბოს ყველანაირ მოლოდინს. ისტორია ყოველთვიის დიდ როლს თამაშობს ასეთი ტიპის თამაშებში, ისევე როგორც თავად ამ გუნდების წინსვლის სურვილი"
"უბრალოდ სირცხვილია, რომ ჩვენ მათ ასე ნაადრევად ვხვდებით. მე ვისურვებდი ეს თამაში "უემბლიზე" ფინალში გამართულიყო."-დაასრულა შოტლანდიელმა