ექს - "იუნაიტედელის" დაბადების დღე.
21 ოქტომბერს, "იუნაიტედის" გულშემატკივრების ერთ-ერთი საყვარელი ფეხბურთელის დაბადების დღეა - ნემანია ვიდიჩი. ეს იყო ფეხბურთელი, რომელიც მისი მოქმედებებითა და განცხადებებით, იყო ნათელი მაგალითი, თავდადების, ერთიანობის, ერთგულების და ბოლომდე ბრძოლის.
მისი დებიუტი გუნდში 2005/2006 წლების სეზონში შედგა, მაშინ, როდესაც გუნდის დაცვის ხაზს მიკაელ სივესტრი, გარი ნევილი, ფერდინანდი და ჯონ ო'ში ავსებდნენ. "მოსკოვის სპარტაკიდან" დამატებული 26 წლის ცენტრალური მცველი, ნამდვილად იმედისმომცემად გამოიყურებოდა, თუმცა სერ ალექსი მაინც ვერ ბედავდა მასზე სრულად დაყრდნობას. ნემანიამ საწყის სეზონში 11 მატჩი ჩაატარა, თუმცა გოლის გატანა ვერ შეძლო. ფერგიუსონის სიმპათიები მისკენ, მისი სიმაღლისა(190სმ) და თავით კარგად თამაშის გამო გადაიხარა, მსგავსად რიო ფერდინანდისა.
შემდგომ სეზონში მის მიმართ ნდობა გაიზარდა და 2006/2007 წლების სეზონში მან 25 შეხდევრა ჩაატარა "იუნაიტედის" მაისურით და 3 გოლის გატანაც შეძლო. მებრძოლი სერბი, ნელ-ნელა ხდებოდა დაცვის მთავარი ძალა და საყრენი წერტილი დაცვის ხაზისა, რაც სერ ალექსს არ გამოჰპარვია. ასე, რომ მის მიმართ ნდობა გამყარდა, თუმცა ეს ახალგაზრდა, ჯერ მზად არ იყო სრული სეზონის ჩასატარებლად.
2007/2008 წლის სეზონი, უდაოდ გამორჩეულია, როგორც ვიდიჩისთვის, ასევე ყველა "იუნაიტედის" გულშემატკივრისთვის. 21 მაისი, წვიმიანი საღამო, მოსკოვი და პენალტების სერიამდე მისული "იუნაიტედი" - "ჩელსის" მატჩი. საკმაოდ დაძაბული 120 წუთის შემდეგ, ბურთთან "ჩელსის" ფორვარდი ნიკოლა ანელკა მივიდა, დარტყმა კარის მარჯვენა კუთხისკენ და ვან დერ საარის მედიდური გამოხედვა მოგერიებული ბურთის შემდეგ, ფრანგი ფორვარდის მიმართულებით. "იუნაიტედი" ევროპუს ყველაზე პრესტიჟული ჯილდოს მფლობელია. ამ მატჩში, გაშვებული გოლის მიუხედავად, ნემანია ვიდიჩმა და რიო ფერდინანდმა უძლიერესი დაცვის დუეტი შექმნეს. ამ სეზონში ვიდიჩმა 32 მატჩი ჩაატარა "იუნაიტედის" მაისურით, რაც სრულ ნდობას ნიშნავდა სერბის მიმართ.
შემდეგ წელს ვიდიჩმა 34 მატჩი ჩაატარა და ამ სეზონშივე ის უკვე ჩამოყალიბებული იყო გუნდის ერთ-ერთ ლიდერად. მან მოახერხა 4-ჯერ აეღო მეტოქის კარი და ეს სეზონი ვიდიჩისთვის იმით იყო გამორჩეული, რომ ის პრემიერ ლიგის სეზონის საუკეთესო ფეხბურთელი გახდა. ამავე წელს გახდა ფერგიუსონიც სეზონის საუკეთესო მწვრთნელი და გუნდმა პრემიერ ლიგის მოგებაც შეძლო. თუმცა ეს ზღაპარი "სტადიო ოლიმპიკოზე" დამთავრდა, როდესაც "ბარსელონასთან" დამარცხდა გუნდი, ჩემპიონთა ლიგის ფინალში, ანგარიშით 2-0.
ალბათ ყველამ ვიცით ფერგიუსონის გენიალური ფრაზა, რომ მატჩებს იგებს შეტევა და ტიტულებს დაცვა და სწორედ ამ ფრაზის უდაო ეტალონია ნემანია ვიდიჩი და, რა თქმა უნდა, მისი მეწყვილე რიო ფერდინანდი. ფერგიუსონი მის დაწერილ ავტობიოგრაფიულ წიგნში წერს, რომ სერბეთში მიმდინარე სამხედრო კონლიქტის პერიოდში, მასთან მივიდა ვიდიჩი და სთხოვა, რომ საბრძოლველად გაეშვა მის მშობლიურ ქვეყანაში, რაზეც საპასუხოდ განცვიფრებული მწვრთნელის სახე მიიღო და მტკიცე უარი.
როგორც დასაწყისში ვთქვით, ალბათ, ლოგიკური იქნება ამითვე დავამთავროთ. ნემანია ვიდიჩი იყო ცენტრალური მცველობის ეტალონი, ის უდაოდ იმ "იუნაიტედის" ერთ-ერთი მამოძრავებელი ძალა იყო, რომელიც მთელს ევროპას შიშის ზარს სცემდა. მიმდინარე სტატიას მისი სიტყვებით დავასრულებ, რომელიც მის უზადო პროფესიონალიზმზე მეტყველებს:
"შენი გატეხილი ცხვირი ოდესღაც გამთელდება, თუმცა თუ შენ უფლებას მისცემ გოლი გაგიტანონ, შენს სიამაყეს ვერაფერი აღადგენს."