პრესის ფურცლების ხშირი სტუმარი "მანჩესტერ იუნაიტედის" ფრანგი შემტევი ენტონი მარსიალიც ხშირად გახლავთ. ჟურნალისტები მასზე ხშირად წერენ, რომ ფრანგს ჟოზე მოურინიოსთან უთანხმოება აქვს და რომ მას გუნდიდან წასვლა სურს არასაკმარისი სათამაშო დროის გამო.
ამ ყველაფრის შესახებ ენტონიმ თავად ისაუბრა და განაცხადა, რომ ეს ყველაფერი ჭორის დონეა და მეტი არაფერი. მარსიალის თქმით, მოურინიოსა და მასს შორის სრული სიმშვიდეა და არავითარი დაძაბულობა არ არსებობს.
"ჩემსა და მოურინიოს შორის არავითარი დაძაბულობა არ არსებობს. ჩვენ გვაქვს ნორმალური ურთიერთობა, ისეთი როგორიც უნდა ჰქონდეთ მწვრთნელსა და ფეხბურთელს, ვიმედოვნებ, რომ ეს ასეც გაგრძელდბა.
"მანჩესტერ იუნაიტედს" ცუდი შედეგები აქვს, ჩვენ ვმუშაობთ ამ ყველაფრის გამოსასწორებლად, ვმუშაობთ, რომ ვაჩვენოთ ხალხს - ჩვენ კარგი გუნდი ვართ. სამშაბათს "იუვენტუსს" დავუპირისპირდებით, ვეცდებით ჩავატაროთ კიდევ ერთი კარგი მატჩი.
რაც შეეხება "ჩელსისთან" მატჩს - იმედგაცრუებული ვარ. მოგება დავიმსახურეთ. შეხვედრის მიწურულს გავუშვით გოლი, ეს კი ძვირად დაგვიჯდა". - ციტირებს მარსიალის სიტყვებს ESPN.