დაძაბული გამოდგა პრემიერ ლიგის ტურის ცენტრალური მატჩი "სტემფორდ ბრიჯზე". მაურიციო სარის "ჩელსიმ", ჟოზე მოურინიოს "იუნაიტედს" უმასპინძლა და 96 წუთზე გატანილი გოლით მხოლოდ ერთ ქულას დაჯერდა. აშკარაა, რომ იტალიელის გუნდი სეზონში პირველ მარცხს გადაურჩა.

მატჩის დასრულების შემდეგ, ჟოზე მოურინიომ კომენტარი გააკეთა და განაცხადა, რომ მისი გუნდი დღევანდელ შეხვედრაში 3 ქულას იმსახურებდა და რომ მოპოვებული 1 ქულა "იუნაიტედისთვის" ცუდი შედეგია.

"მოედანზე უკეთესი გუნდი "იუნაიტედი" იყო. მატჩამდე შეიძლებოდა იმის თქმა, რომ ერთი ქულა ჩვენთვის კრგი შედეგი იქნებოდა "სტემფორდ ბრიჯზე", რადგან ძნელია აქედან სამი ქულის წაღება. ხოლო მატჩის შემდეგ, გამომდინარე იქიდან თუ როგორ ვითამაშეთ, ფრე - საშინელი შედეგია ჩვენთვის, ფანტასტიკური შედეგი კი მათთვის.

კარგად ვაკონტროლებდით მათ მოთამაშეებს, განსაკუთრებულად აზარს და ჟორჟინიოს. როდესაც ანგარიში 1-2 იყო, ჩვენ ბურთს თავდაჯერებულად ვაკონტროლებდით, შეგვეძლო მესამე გოლის გატანაც, მშვიდად ვთამაშობდით.

ვიმედოვნებ ყველა მსაჯი მოიქცევა ისე როგორც მოიქცა მაიკლ დინი და შეხვედრას დაამატა 6 წუთი. ჩემთვის გაუგებარია მან ამდენი წუთი საიდან მოიტანა, ჩვენ არ ვწელავდით დროს, ჩვენ უბრალოდ ვთამაშობდით. ყველაფრით კმაყოფილი ვარ, შედეგის გრდა". - ციტირებს ВВС - ჟოზეს სიტყვებს.



წყარო: euro-football