საკმაოდ დრამატული მატჩი გამოდგა ორივე გუნდისთვის. ამაზე ანგარიში განმათანაბრებელი გოლის გატანის დრო მეტყველებს - 97-ე წუთი. ამ გოლის შემდეგ საკმაოდ საინტერესო ინცინდენტს ჰქონდა ადგილი, რომლის მთავარი გმირებიც ჟოზე მოურინიო და, მაურისიო სარის მეორე ასისტენტი, მარკო ლანი არიან. არავის უკვირს, რომ ეს გოლი საკმაოდ ემოციური იყო "ჩელსის" ყველა ქომაგისა თუ სპეციალისტისთვის და ამ ემოციებმა გამოიწვია მოურინიოს გაღიზიანება, სწორედ ამის შემდეგ მოხდა ის, რაც მოხდა. ამ მომენტის შესახებ, მოურინიომ ინტერვიუ მისცა Skysports.
"კარგით რა, მე შემიძლია გითხრათ, რომ საკმაოდ კარგი მომენტი იყო თამაშის 97-ე წუთზე, დიახ გოლი მივიღეთ, თუმცა სუფთა საფეხბურთო თვალსაზრისით ეს ძლიერი მომენტი იყო და თქვენ ამაზე უნდა ფოკუსირდეთ. მე იგივე არ მიმიღია "ჩელსის" გულშემატკივრებისგან[გულისხმობს პატივისცემას], რაც მე მათ მიმართ გამოვხატე. მე იგივეს გავაკეთებ მადრიდში, მილანში და პორტოში, რაც დღეს აქ გავაკეთე. გულშემატკივრების რეაქციები ჩემზე არაა დამოკიდებული. მე არ ვარ ნაწყენი არაფერზე. რაც შეეხება ინცინდენტს სარის ასისტენტთან, სარი პირველი მოვიდა ჩემთან და მითხრა, რომ ამ ყველაფერს მოაგვარებდა. სარის ასისტენტი უკვე მოვიდა ჩემთან და მომიბოდიშა, მე კი ვუთხარი, რომ დაევიწყებინა ეს ფაქტი. მეც ბევრჯერ დამიშვია შეცდომა ჩემს კარიერაში, ემოციები ნორმალური მოვლენაა ფეხბურთში."
არსებობს თეორიები, რომ სარის ასისტენტმა რაღაც უთხრა მოურინიოს, თუმცა ეს ჩვენ ნამდვილად არ ვიცით და სავარაუდოდ ვერ გავიგებთ. ან გავიგებთ მრავალი წლის შემდეგ. თუმცა შეიძლება ისევ, რაიმე სიბინძურის შეთხზას ცდილობენ ჟურნალისტები და ისევ გრძელდება მიზანმიმართული სპეკულაციები გუნდის მიმართ.
წყარო: www.skysports.com
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.