საკმაოდ საინტერესო მატჩი გამოდგა "ჩელსის" წინააღმდეგ და საკმაოდ დრამატულიც, "იუნაიტედის" გულშემატკივრებისთვის. თითქმის ბოლო მომენტში გაუშვა გუნდმა დასანანი გოლი და 2 ქულაც დაკარგა. გთავაზობთ ფეხბურთელთა შეფასებებს ამ მატჩში.
დე ხეა - 7 ვერაფერი გააწყო რუდიგერის გოლის მომენტში, თუმცა კანტეს ძალიან კარგი დარტყმა მოიგერია. ასევე უძლური იყო როს ბარკლის დარტყმის მომენტშიც.
ეშლი იანგი - 7 კარგად ამოჰქონდა ბურთი და უნაწილებდა გუნდს, თუმცა მისი საქმე უდაოდ აზარის შეჩერება იყო. მის წინააღმდეგ ყვითელი ბარათიც მიიღო, თუმცა ეს არანაირად არ აღმოჩნდა გარდამტეხი.
ვიქტორ ლინდელოფი - 5 შვედი მცველი უდაოდ სუსტი რგოლია ცენტრალური დაცვის ხაზში, თუმცა საკმაოდ კარგად ეთამაშა ოლივიე ჟირუს ერთ მომენტში.
კრის სმოლინგი - 7 დიდად არაფრით იყო ეს მცველი გამორჩეული, თუმცა ეს შეფასება მის თამაშს უდაოდ შეეფერება.
ლუკ შოუ - 7 ვილიანი საკმაოდ აქტიური იყო მისი ფლანგიდან, თუმცა საკმაოდ დიდი წინააღმდეგობა დაახვედრა ინგლისელმა მცველმა.
ნემანია მატიჩი - 7 მხოლოდ პირველი ტაიმი, რომ ფასდებოდეს მისი შეფასება ერთს ვერ აცდებოდა, მაგრამ მეორე ტაიმში ძალიან კარგად გამოიყურებოდა.
პოლ პოგბა - 7 რუდიგერის გოლი ნამდვილად მის კისერზეა. თუმცა მეორე ტაიმში ის ნამდვილ ლიდერად მოგვევლინა გუნდის და ამან რეალურად გაამართლა.
ხუან მატა - 8 თამაში ფლეიმეიქერად დაიწყო და ნამდვილად არ გამოყურებოდა ცუდად. საკმაოდ დიდი როლი ითამაშა მარსიალის გოლის მომენტში.
მარკუს რაშფორდი - 7 ძალიან კარგი პერფორმანსი ჰქონდა, საუკეთესო ბოლო პერიოდში და საკმაოდ მოუხდა მარჯვენა ფლანგს. კარგი ასისტენტობა გაუწია მარსიალს, მეორე გოლის მომენტში.
ენტონი მარსიალი - 8 დუბლის ავტორი. ცეზარ ასპილიქუეტასა და კეპას, დიდი ალბათობით, დღეს მარსიალი დაესიზმრებათ.
რომელუ ლუკაკუ - 6 წინა მატჩებთან შედარებით დღეს არ გამოიყურებოდა ცუდად. ის თავგამოდებით იბრძვის ყველა ბურთზე, ფიიკურად, თუმცა არ უნდა დავივიწყოთ, რომ მისი საქმე გოლების გატანაა.
ალექსის სანჩესი, ანდრეას პერეირა, ანდრე ერერა - 5 არცერთ მათგანს, არანაირი გარდატეხა არ შეუტანია მატჩში.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.